ھب:
رمس 2اپریل 2022 بلوچ اسٹوڈنٹس ایکشن کمیٹی ھب ھنکین ءِ نیمگ ءَ چہ یک دیوان یے ھنکینی کماش اھسان بلوچ ءِ پاگوجہی ءَ برجم دارگ بوتگ ءُ دیوان ءِ سرھال زبان ءُ سیاست بزاں لینگویج ءُ پولیٹکس ات۔ ترانکار قندیل بلوچ ( ڈگری کالج آواران ءِ انگریزی زبانزانتی ءِ لکچرار ءُ نیشنل ڈیموکریٹک پارٹی ءِ مرکزی کمیٹی ءِ باسکے)۔
سنگت ءَ دیوان چہ جست یے ءَ بندات کت کہ سیاست چی ئے ءُ زبان چی ئے ؟ زبان ءِ سیاست ءَ گوں چے سیادی ھست؟ دیمترا سنگت ءٙ زبان ءِ سرا گپ کنان ءَ گشت کہ زبان چہ توار ءَ جوڑ بیت ءُ ھمئے توار لبزانی تہا بدل بنت، لبز گال جوڑ بنت، ءُ پدا ھمک گال وتی تہا یک مقصدے داریت۔
دیمترا سنگت ءٙ تران کنان ءَ گشت کہ سیاست وتی دیمروئی ءِ واست ءَ نیریٹیو ءُ ڈسکورس کارمرز کنت دانکہ لس مھلوک ءِ چاگردی ادرھانی تہ لیکہ جاگہ بکنت ءُ سیاسی مراد پیلو کنگ بہ بنت۔ بلوچ ءَ تران کنان ءَ گشت کہ زبان ھست سیاست ھست۔ دیمترا سنگت ءَ دیوان ءِ تہا جارج آرویل ءَ گدار 1984 ءِ حوالہ داتءُ نیؤ سپیک ءُ اوشیعانہ باروا ھم باوست کت پہ سرھال ءَ گیشنگ ءِ واست ءَ۔ سنگتءٙ دیوان ءِ تہا گوشت کہ سیاستدان ہر وھدا نرمی ءِ گوں گپ کنت پہ وتی سیاسی مرادانی پیلو کنگ ءِ نیئت ءَ۔
زبان ءُ سیایست ءِ سادی ءِ گیشنگ ءَ واست ءَ بازیں درور دات ءُ دیوان ءَ مردم سرپد کنگ ءَ جھد کتگ۔
بلوچ ءَ یک برے پدا جارج آرویل ءِ نبشتانک ” سیاست ءُ انگریزی زبان ” ءِ حوالہ دات ءُ پنچ ڈیفکٹ آف پروز ءِ سرا ھم تران ءُ باوست کت۔ دیوان ءِ ھلاسی ءَ چہ پیش سنگت ءٙ ھندی سیاست ءِ سرا گپ جت۔ ءُ دیوان گوں سنگتانی جُست ءُ پسواں ہوار ھلاس بوت۔