:شال
بلوچ اسٹوڈنٹس ایکشن کمیٹی (بلوچستان شهدربر جاه بنزه) ءِ نیمگ ءَ چہ یک وش اتکی مراگشے ماں (2022-04-26، شمبے) ءَ برجم دارگ بوتگ،دیوان ءَ بُنجائی باسک اظہر بلوچ ساڑی بوتگ۔ مراگهے ءِ تہ ءَ نودربراں وتی ازم ماں جِتا جِتائیں پڑاں دیم ءَ آؤرتگ انت کہ ایشانی تہ ءَ کسمانک، مشاعره ءُ بلوچی دوچاپی هوار بوتگ انت۔هنکینی کماش ءُ بنجائی سنگت ءَ دیوان ءَ بلوچ راجکاری، آئی ءِ ارزشت ءُ بلوچ نودربر پرچا راجکاری بہ کن انت؟ ءِ سرهالانی سرءَ تران کتگ۔
دیوان ءِ تہ ءَ هنکینی کماش ءَ گپ کنان ءَ گُشت کہ راجکاری (سیاست) مئے واستہ همے واستہ المی انت کہ ما یک نیزگارے چاگردے ءَ زندگی کنگ ءَ ایںءُابید سیاستءَ چاگرد جمودءِ شکار بنت۔
بساک ءِ بنجائی سنگت ءَ گپ کنان ءَ گُشت کہ مرچی ما شُما کہ اے مراگہ ءَ نشتگیں، ما کل سنگت چہ بلوچستان ءِ جتا جتائیں هند ءُ دمگاں سیادی دار ایں. ما اگا ں ادءَ یکجاه نشتگیں گڈءَ مارا شُمارا بلوچ بوئگ ءَ ادءَ نندارینتگ، بساک ءَ نندارینتگ. سنگت ءَ گپ کنان ءَ گُشت کہ بساک مئے شُمئے اندر ءَ ساڑی انت، بساک ءِ دگہ جسمانی هستانکی نیست بلکہ آ کل بلوچانی تہ ءَ انت.
مراگش ءِ گُڈی بهر ساز ءُ زیملی دیوان ات کہ آهود ءَ جتائیں ءُ وش لسانے گُشندهاں آؤکیں سنگتانی شرپ ءَ وتی سوت گُشت انت، گُشندهانی تہ ءَ جام ابراهیم، خالق فرهاد، مبارک داد ءُ برمش بلوچ هوار ات انت.