ٹِنڈائی میچنگائیڑز /رجانک: اقبال زہیر بلوچ
بُن گَپ
“ٹِنڈائی میچنگائیڑز”
پجار : ٹِنڈائی میچنگائیڑز 1982 ءَ ماں ہرارے، زمبابوے ءَ پیدا بوتگ۔ آئی وتی وانگ چہ سائراکیوس یونیورسٹی ءَ سرجم کتگ۔ آ افریکا ءِ نامداریں آزمانکار ءُ گدار نویسے۔ آئی اولی گدار “اکاکیا” 2014 ءَ چھاپ ءُ شنگ بوتگ۔
آ گوٛش اَنت من ءَ شیزوفیرینیا انت، بے سر ءُ پادیں حیال ءُ گنوکیں واب انت کہ من ءَ چہ راستیں دنیا ءَ دور بَر انت۔
“کئے گنوک انت؟”
مئے دودمان ءَ ہچ چشیں شے نیست۔ ترا سِہر اش کتگ یا وَ ترا کراماتے گوں۔ بدیں یا شرّیں ارواہاں ترا انگیر کتگ۔
آ من ءَ انچو چارگ ءَ اَت، پورا من یلہ چریں کچکے آں۔ سِلگتے آں۔ آرا گُبّنُد کناں۔ گَج ءُ گپاں، آئی ہمے سوڑگ کت کہ من گنوکے آں۔
“ابدال” آئی ءَ گوٛشت۔
پیریں کوہ کافی مرد دُرٛستاں مزنیں ملائے لیک ات۔ آئی ءِ حکم ات کہ منی مود چِنگ بہ بنت، دانکہ من چو انسان ءَ بہ باں۔ من سَدکاں آئی سر پِر بوئگ ءَ نہ انت۔ سرپد نہ انت کہ منی مود گوں منی بن پُیرکاں گپ جن انت۔ توارانی یک رُمبے منی سر ءِ تہ ءَ چر وران اَت۔ ہمک چَر ءَ مزن ارواہ ءِ کلوہے من ءَ سر کت۔
آئی ءِ زردیں مودانی لمپے آئی ءِ دیم ءَ پہ حجالتی ایر اَت۔ آ منی بن پُیرکی مزن شانیں تواراں اِش کت نہ کنت۔ منی مود چاڑکہ اِت انت، پہ حُکم ءِ منّگ ءَ مک ءَ مک اوشتاتگ اِت اَنت۔ دہ ہزار ات انت مک بوت دانکہ لبزے گار ءُ گور مہ بیت۔
من وتی دنتاں نجینت انت، کئے اِنت کہ پاکیں دَرپاں دست جنگ ءِ ردی ءَ کنت؟ “اے منی مود انت، منی جند ءِ مَڈی انت۔”
شرّ انت یا حراب انت، پہ من سیت انت یا تاوان انت۔