لیاری:
بلوچی زبان ءِ مزن نامیں و نمیرانیں راجی شاعر مبارک قاضی یات ءَ لیاری ءَ بلوچاں موم بتی روک کُتگ ءُ واجہ مبارک قاضی ءَ دروت ندر کُتگ۔
مچیءَ مزنیں کساسے ءَ زالبول،گونڈو،گُشندہ،شاعر ءُ چاگردءِ ایندگہ تک ءِ مھلوکءَ بھر زُرتگ۔
بلوچی زبان ءِ گُشندہ شوکت مراد ءَ واجہ مبارک قاضی سوت”بگند کسمت ءَ منی“ گُشتگ۔
مچی ءِ تہا بلوچی و اردو زبان ءِ شاعر وحید نور،گُشندہ شوکت مراد،بلوچ یکجہتی کمیٹی ءِ بانک آمنہ بلوچ ءَ ھوار ایندگہ چاگردی گارگشاداں بھر زُرتگ۔
زانگ بہ بیت کہ مبارک قاضی ،بلوچی ءِ مزن ناميںءُ آشوب تواریں شاعر ءَہمے ماہ ءِ16ستمبر 2023 ءَدنیا یلہ کُت ءُ وتی پُشت ءَ سرجمیں راج ئے گمیگ کُت۔
” چُشیں قاضی ءِ کہ مبارک اِنت، پَدا مُشکل اِنت کہ وَدی بہ بِیت“
Discover more from Balochistan Affairs
Subscribe to get the latest posts to your email.