نیشنل پارٹی کے مرکزی صدر سابق وزیراعلیٰ بلوچستان ڈاکٹرعبدالمالک بلوچ نے کہاہےکہ نیشنل پارٹی کے مینڈیٹ پرکسی بھی صورت شب خون مارنے کی اجازت نہیں دیں گے،عوام کی طاقت سے عوام دشمنوں کو ایسی شکست سے دوچارکریں گے جسے وہ کبھی بھلا نہیں پائیں گے۔
ان خیالات کا اظہار انہوں نے تربت میں نیشنل پارٹی کیچ کے زیراہتمام سابقہ وزیراعلیٰ ہاؤس سے متصل جلسہ گاہ میں نمیران مولابخش دشتی اور قاضی غلام رسول بلوچ کی یاد میں منعقدہ جلسہ عام سے خطاب کرتے ہوئے کیا۔
جلسہ عام سے دیگررہنماؤں نے خطاب کرتے ہوئے کہا ہے کہ ہم سمجھتے ہیں کہ اسلام آباد نے ہمارے حقوق غصب کررکھے ہیں مگر جونام نہاد نمائندے ہم پرمسلط ہیں یہ اس میں شریک جرم ہیں۔
بلوچستان کی محرومیوں اورمایوسیوں میں اضافہ کی وجہ یہی مسلط کردہ لوگ ہیں بھوک، افلاس، غربت اوربدحالی وبے روزگاری پھیلانے میں ان کا کردار شرمناک ہے ۔