بلوچ اسٹوڈنٹس ایکشن کمیٹی شال ھنکین ءِ نیمگ ءَ چہ یک ھیلکاری دیوان ئے ھنکینی کارگشاد عامر بلوچ ءِ پاگواجہی ءَ برجم دارگ بُوتگ۔ دیوان ءِ مہمان ھاس بُنجاہی کمیٹی ءِ باسک ڈاکٹر سُمیعہ بلوچ بُوتگ۔
دیوان ءِ سرھال: سوبمَنْدیں ءُ بے سوبیں سیاسی جُنز
ترانکار: بُنجاہی سنگت سُمیعہ بلوچ
دیوان ءِ بِندات ءَ سنگت ءَ تران کنان ءَ گْوَشت کہ دُگنیا ءِ تہ ءَ لہتے جُنز وتی جُہد ءَ سوبین بُوتگ اَنت ءُ لہتے بے سوب بُوتگ اَنت ءُ ایشانی سوبمَند ءُ بے سوب بُوگ ءِ سوب چے بُوتگ اَنت، اے جُنز آنی کہ گپ ءَ ما کنیں آ راج بُوتگ انت، راجانی وتی زمین، زبان ءُ راجی پجار بُوتگ اَنت کہ کالونیئلزم ءِ ھلاپ ءَ جنگ اِش کُتگ۔
کالونیئلزم ءِ عمل وھدے کہ بندات بیت ہمے عمل ءَ ھوار یک دگہ عمل ءِ دُگنیا ءِ تہ ءَ جُنزان کنت آ عمل ءَ ڈی کالونائزیشن گُش اَنت، ھما ڈی کالونائزیشن ءِ کہ concept اِیں یا کہ جنگ آں، ھمے جنگ آنی duration ءَ راجدوستی ءِ تھیوری define کنگ بیت اِیں ءُ ھما ملک کہ کالونی جوڑ کنگ بُوتگ اَنت ھمے کالونی اِیں ملک آنی راج پاد کائینت ءُ آہانی زمین کہ است اِنت آ وتی زمین ءَ راجی زمین گُش اَنت ھمدا چہ راجدوستی ءِ لیکہ دُگنیا ءِ دیم ءَ پدّر بیت۔ راجدوستی ءِ ھساب ءَ دُگنیا ءِ تہ ءَ مئے دیم ءَ ہرچی کہ جنگ است اَنت آ نوزدہُمی کرن ءَ یورپ ءَ چہ بنا بنت ءُ بیستُمی کرن ءَ ایشیاء ءُ افریکہ ءِ تہ ءَ کیت سر بنت۔
یورپی سرمایہ دار وتی ملکی اکانومی ءَ مُہکم کنگ ءِ ھاتر ءَ امریکہ ءُ ایدگہ ملکانی سر ءَ اُرش کن اَنت ءُ آہاں وتی کبزہ ءَ کن اَنت، وھدے کہ اسپین ءُ پرتگال امریکہ ءَ رو اَنت گُڑا آ گوں وت یک مزنیں نادراہی یے بر اَنت گوں، امریکہ ءِ ریڈ انڈین جہمنِند اے نادراہی ءِ باز آماچ بنت انچو نادراہ بنت کہ کار ھم کُت نہ کن اَنت گُڈا چہ ادا ویسٹ افریکہ ھم کالونی جوڑ کنگ بیت، گوں وھد ءِ ھمبراہی ءَ اے زورگری ءِ ریس ءِ تہ ءَ بازیں دگہ ملک ھوار کپ اَنت ءُ ھما پشت کپتگیں ملک کہ کالونی جوڑ کنگ نہ بوتگ اَنت آھانی سر ءَ ھم اُرش کنگ بیت ءُ کبزہ کنگ بنت داں کہ زورگر آنی یک ملک ءَ چہ دومی ملک ءِ روگ ءِ ھاتر ءَ جیڑہ مہ بیت۔
دیمتر ءَ سنگت ءَ دُگنیا ءِ دو سوبمَنْدیں جُنز آنی سر ءَ تران کُت ءُ گْوَشت افریقہ ءِ ملک الجیریا ءُ south east asia ءِ ملک ویتنام اے دوئیں ملکانی راجی جُنز سوبمَنْد بُوتگ اَنت۔
الجیرین آشوب ءَ The war of first November گُش اَنت چیا کہ الجیریا ءِ مُہکم اِیں گَل FLN بیت کہ الجیریا ءِ تہ ءَ آشوب کار اِیت ءُ پدا ہمے گل Rule ھم کنت، الجیریا 2011 ءَ پد افریکہ ءِ مستریں ملک زانگ بیت وھدے کہ سوڈان ءِ جُنز دو بھر ءِ تہ ءَ بیت پیسر ءَ سوڈان بُوتگ، الجیریا ءُ فرانس ءِ میان ءِ جنگ 1954-1962 ءَ بیت اِیں بلے فرانس 1813 ءَ الجیریا ءَ کبزہ کنت، ہمے وھد ءَ کہ فرانس ءِ کبزہ ءَ بیت بلے آ وھد ءَ الجیریا ءَ ما فرانس ءِ یک خودمختار ءِ علاقہ ءِ گْوَشت کنیں کہ آئی وتی ھکومت بیت، آئی وتی پولیس ءُ وتی پارلیمان بنت۔
فرانس وھدے کہ الجیریا پیپلز پارٹی ءُ الجیریا کمیونسٹ پارٹی ءِ سر ءَ بین کنت گُڈا آ وھد ءَ الجیریا ءِ تہ ءَ دگہ یک پارٹی ءِ ایم ٹی ایل ڈی (MTLD) گُشگ بیت، اے پارٹی وتی یک دگہ ونگ ءِ اسپیشل آرگنائزیشن ءِ نام ءَ جوڑ کنت کہ وھدے فرانس ایم ٹی ایل ڈی ءِ سر ءَ اُرش بہ کنت مارا دگہ در بہ بیت۔
ایم ٹی ایل ڈی ءِ راھشونانی سر ءَ فرانس وھدے کہ اُرش کنت آ نزور کنگ بنت ءُ ھمے ھاتر ءَ آئی ءِ راجدوست اسپیشل آرگنائزیشن آنی تہ ءَ ھور بنت، 1951 ءَ اے گل ءِ سیاسی راھشون نزربند کنگ بنت ءُ اسپیشل آرگنائزیشن ھم کسانیں کساسے ءَ ھلاس کنگ بیت اِیں گُڈا اسپیشل آرگنائزیشن ءِ جنگولاں (RUA) جوڑ کُت بلے اے پلیٹ فارم ءَ آ سوبمَنْد نہ بوت اَنت ھمے ھاتر ءَ اکتوبر 1954 ءَ آہاں (FLN) جوڑ کُت ءُ یکم نومبر ءَ باقائدہ (FLN) ءَ جنگ ءِ جار جت ءُ سال 1956 ءَ ابید چہ ایم این اے (MNA) ءَ ایندگہ دُراھیں راجدوستیں گل (FLN) ءَ بھر زُور اَنت۔(FLN) ءِ جوڑ بُوگ ءَ پد دگہ یک پارٹی ءِ جوڑ بیت FLN ءِ کاؤنٹر کنگ ءِ ھاتر ءَ کارمرز بیت اے ھمے ایم ٹی ایل ڈی ءِ مردُم بنت چیا کہ آ FLN ءَ ھوار نہ بنت آہانی گُشگ اِنت کہ وھدے FLN جوڑ کنگ بُوتگ مارا اعتماد ءَ زُورگ نہ بُوتگ گُڈا ھمے وھد ءَ الجیریا ءِ تہ ءَ دو پارٹی exist کنگ ءَ بنت یکے FLN کہ فرانس ءِ ھلاپ ءَ جنگ ءَ اِیں ءُ دومی MNA کہ فرانس ءُ ھمودئے مردُماں FLN ءِ کاؤنٹر کنگ ءِ واستہ MNA جوڑ کُتگ۔ FLN وتی مضبوط اِیں پالیسی آنی سوب ءَ دُگنیا ءِ تہ ءَ مشہور بیت ءُ الجیریا ءِ مہلوک ءِ تہ ءَ Mass Mobilization شوکیں رنگے ءَ بُوتگ ءُ یکے ایش کہ FLN ءِ وتی زالبولانی ونگ بُوتگ آ ھم سک مضبوط بُوتگ اَنت۔
سنگت ءَ دیمتر ءَ ویتنام ءِ راجی جُنز ءِ سر ءَ تران کنان ءَ گْوَشت کہ ویتنام ءِ جنگ گوں امریکہ ءَ بیت اے جنگ دُگنیا ءِ تہ ءَ یک مزنیں راجدپتری ارزشتے داراِیت چیا کہ اولی رند بیت کہ امریکہ پروش وارت ءُ اے جنگ ءَ 58 ہزار کساس امریکی فوجی کُشگ بیت اِنت، اے جنگ ءَ امریکہ ءِ مہلوک ءُ نودربر پاد کاینت امریکہ ءِ جنگی پالیسی آنی ھلاپ ءَ زھرشانی کن اَنت۔
وھدے کہ امریکہ چہ ویتنام ءَ در کیت گُڈا پدا فرانس واپس ویتنام ءِ تہ ءَ وتی کنٹرول ءَ برجاہ داراِیت ءُ فرانس ءِ واپس کنٹرول ءِ ھلاپ ءَ اولی جنگ بندات بیت اِنت اے جنگ ءِ سروکی ءَ ہوچی منھ کنت اے جنگ (1946-1954) ءَ ویت منھ ءُ فرنچ لویالسٹ آرمی ءِ میان ءَ بیت اِنت۔
دیمتر ءَ سنگت ءَ بے سوبیں جُنز آنی سر ءَ گپ کُت ءُ گْوَشت کہ یکے آئرلینڈ ءُ دومی سری لنکا ءِ تامل آنی جُنز کہ است اَنت گُشگ بیت کہ آ وتی جُہد ءَ بے سوب بُوتگ اَنت۔ آئرلینڈ ءِ وتی راجی جُنز ءَ بے سوب بُوگ ءِ مستریں سوب اے گُشگ بیت کہ آئرش ریپبلیکن آرمی پُرش اِیت ءُ ٹُکر آنی تہ ءَ بھر بیت اِنت۔
سنگت ءَ دیمتر ءَ تامل آنی جُنز ءِ سر ءَ تران کُت ءُ گْوَشت کہ ایشانی جنگ (1830-2009) ءَ Liberation of Tamil Ealam in Srilanka اے گُشی کہ سری لنکا دو بھر ءَ بہ بیت تامل آنی وتی یک ملک ءِ بہ بیت ءُ sinhalese آنی وتی ملک بہ بیت۔ وھدے کہ سری لنکا انگلینڈ ءِ نیمگ ءَ چہ کبزہ کنگ بیت گُڈا سری لنکا ءِ دو kingdom بنت یکے تامل ریجن ءُ دومی sinhalese ریجن ءِ بنت۔ انگلینڈ وھدے کہ در کیت 1948 ءَ دومی جہانی جنگ ءَ پد گُڈا ایشاں یکجا کنت پیسر ءَ تامل ءُ sinhalese جتا بُوتگ اَنت ایشانی وتی جتائیں ھکومت بُوتگ اَنت، انگلینڈ ءِ در آھگ ءَ پد تامل آں آ ھساب ءَ ھکومت کنگ ءِ موہ نہ رس اِیت ءُ sinhalese ءِ ھکومت وانگ ءِ ratio ءِ کم کنگ ءِ واستہ وانگجاہاں ایشانی داخلہ ءَ بند کنائین اِیت ءُ وتی ھکومت ءَ برجاہ دار اِیت۔
دیوان ءِ گُڈ سر ءَ جُست بُوت ءُ جُستانی پسّو دیگ بُوت اَنت ءُ دیوان آسر کنگ بُوتگ۔
Discover more from Balochistan Affairs
Subscribe to get the latest posts to your email.