بلوچ اسٹوڈنٹس پَرنٹ اوتھل ھنکین ءِ نیمگ ءَ چہ ھنکینی کارمستر عتیق ھمراز ءِ سروکی ءَ بنزھی لس مجلس ءِ دیوان برجم دارگ بوتگ۔ اے دیوان ءِ مھمان ءِ ھاس بلوچ اسٹوڈنٹس پَرنٹ ءِ بنجاھی کُمک کماش سنگت طارق بروت بوتگ۔ اے دیوان ءِ تہ ءَ ھنکینی سرکولر ، گِل ءِ کار ءُ آیوکیں گامگیج ءِ سرھال سر ءَ باوست کنگ بوتگ۔
گَل ءِ کارانی سرھال ءِ سر ءَ بلوچ اسٹوڈنٹس پَرنٹ اوتھل ھنکین ءِ گوستگیں کارگُشاد سنگت عیسٰی اِکبال ءَ تران کناں ءَ گُشت کہ یک گَلّے یے جوڈِست ءِ ھاتر ءَ یکمُشت بوگ یک بلاھیں کِردے پیلو کنت۔ اگاں مروچی بلوچستان ءِ تہ ءَ ما بِہ چار اَیں کہ بلوچ چنچو ھدّ ءَ پدمنتگ ءُ پُشت ءَ کپتگ اگاں ما اِلم ءُ زانشتی ھساب ءَ بِہ چار اَیں یا مولکاری ءِ ھساب ءَ مارا تھنا بس یکّیں چیز گِندگ ءَ کیت کہ بلوچ نودربر ھر پِڈ ءَ پُشت ءَ کپتگ ءُ پدمنتگ اَنت۔
سنگت ءَ تران کنان ءَ گُشت کہ اگاں مروچی دُگنیا ءِ سر ءَ “منی ءُ تئی” گالوار کارمرز کنگ مہ بوتیں تاں بہ گِند ئے بلوچ راج اِنچو پُشت ءَ نہ کپتگ اَت۔
دیمتر ءَ بنجاھی کمک کماش ءَ وتی ھیال ءُ لیکہ درشان کنان ءَ گوشت کہ مُلکاریں رھشون، ملکاریں تجزیہ نگار ءُ راجکاری ءِ پڑ ءَ چہ سیادی داروک وتی تجربگ ءِ بنیات ءَ راجکاری ءَ را جتائیں مانایے دے اَنت، بلے من ھمے سرپد بہ اِیں کہ سیاست وتی راج ءِ یک جاھی ءِ نَپ ءُ سیتانی واست ءَ ءُ راج ءِ دیمروئی ءُ وشھالی ءِ واست ءَ جدوجھد کنگ ءِ نام اِنت۔ بلے پہ راج ءِ یکجاھی نپ ءُ سیتانی ھاتر ءَ اے اَلّمی اِنت کہ ما یک جاہ ءُ یکمُشت بہ بنت ءُ وھد ءِ لوٹانی متابک ءَ بلوچ راج ءِ بنیاتی لوٹانی ھاتِر ءَ جھد بہ کن اَیں ءُ بی ایس ایپ ءِ باسک پہ راجی لوٹانی سرجم کنگ ءِ ھاتر ءَ وتی ذاتی چیزاں چہ در بیا اَنت۔
دیمتِر ءَ پہ نوکیں بُنزہ ءِ جُوڈِشت ءِ ھاتر ءَ سنگت عیسیٰ اکبال ءِ سروکی ءَ سَے باسکی گچینکاری پتّرے جوڑ کنگ بوت پہ نوکیں بنزھی اگدہ دارانی گچین کنگ ءِ واست ءَ گچین کاری بوت۔
بلوچ اسٹوڈنٹس پَرنٹ اوتھل (لوامز بُنزہ) ءِ نوک گچین بوتگیں ،بُنزھی کارمستر: قیوم غنی،بنزھی کُمک کارمستر: زابد صالع،بُنزھی کارگُشاد: گُلستان بلوچ،بُنزھی کُمک کارگُشاد: مشتاق بلوچ،بُنزھی شِنگکار: سہیل اکبال،مگسی ھاسٹل سیکریٹری: زبیر بلوچ،ھنگُول ھاسٹل سیکریٹری: ھمبل بلوچ،ارمابیل ھاسٹل سیکریٹری: شکیل بلوچ،اُولڈ ھاسٹل سیکریٹری: دلجان بلوچ،گرلز ھاسٹل سیکریٹری: دُروشُم بلوچ،گرلز کورڈینیٹر : ماھل بلوچ،اسوڈنٹس اَپیئرز: چاکر بلوچ،اسٹوڈنٹس اسپورٹس سیکریٹری: حفیظ بلوچ نامینگ بوت انت۔
گچین کاری ءَ پد بلوچ اسٹوڈنٹس پَرنٹ اوتھل ( لوامز بُنزہ) ءِ سنگتاناں ھنکینی کماش عتیق بلوچ ءَ سوگِند دات ءُ آئی ءَ پد مجلس ءِ ھلاسی ءِ جار پِرّینگ بوت۔