نیشنل پارٹی ھاران ءِنیمگءَ یک ھاسیں دیوانے ھنکینی کارمستر سردار حبیب اللہ فقیرزئی ءِ سروکی ءَ سید مقبول شاہ ءَ اوتاک ءَ جم دارگ بوت اے دیوان ءِ ھاسیں مہمان نیشنل پارٹی ءِ بنجائی کمک کارمستر ڈاکٹر اسحاق بلوچ ات دیوان ءَ آوکیں بلدیاتی گچین کاری ءِ بابت ءَ سلا ءُ شور کنگ بوت دیوان ءَ نیشنل پارٹی ءِ بنجائی کمک کارمستر ڈاکٹر اسحاق بلوچ، ہنکینی کارمستر سردار حبیب اللہ فقیرزئی، بنجائی کونسلر چیرمین صغیر احمد بادینی، سید مقبول شاہ، ہنکینی کمک کار گشاد سلام جان سیاپاد،تحصیلی کارمستر میر کے ڈی بلوچ،یونس بلوچ، حاجی عبدالغفار مسکانزئی، حاجی ادریس احمد مسکانزئی، شعیب احمد مسکانزئی، آحمد جان سیاپاد، بی ایس او پجار ءِ بنجائی کمیٹی ءِ باسک غنی حسرت، سونو بلوچ مطلب ساسولی ءُ ایندگہ سنگت ساڈی اتاں
دیوان ءَ تران کناں ءَ نیشنل پارٹی ءِ بنجائی کمک کار مستر ڈاکٹر اسحاق بلوچ ءَ تران کناناں ءَ گشت کہ مئے سیاسی جہد پہ بزگیں مہلوک ءِ آسراتی ءِ ھاترا انت ھاران اے وھدا بازیں جیڑھانی آچگاہ جوڑ بوتگ ءُ شہ زند ءِ درستیں بنکی آسراتی آں زبہر انت شہ بے روزگاری ءَ مئے ورناہ ذئینی نادرائی آماچ انت نیشنل پارٹی اے سرپد بیت کہ مہلوک ءِ حقانی گرگ ءُ آیانی آسراتی ءُ مہلوک ءَ را شہ اے درستیں جیڑھاں در کنگ ءِ ھاترا یک محکم ءُ پگری سیاسی گل یے۔
آئی دیمترا گشت کہ نیشنل پارٹی آوکیں بلدیاتی گنچیں کاری ءَ جوانیں وڈے ءَ بہر زوریت ءُ سوبیں بیت آئی پارٹی ءِ سنگتاں زمہ داری دات کہ اے بابت سنگت وتی جہد ءَ گیش تیز بہ کن انت۔