بی ایس او راج دوست ءُ قوم دوستاں وتی گروہی مفادئے ھاترا بہر وبانگ کت ۔
بی ایس او کہ نوں سے اتاں ایشانی پروشگ ءَ بلوچ قوم پرست لیڈر شپ ءُ پارٹیانی دست پمشکا مان ات کہ وہدے پارٹی وتی گروہی و زاتی نف و سیتانی واسطہ پروشتاں گڈا بجائے ایشاں وتی زد ءُ کینگاں ورناہ ءُ چے دور دارگ ءَبلکین ایشان شعوری بنیادءَ بی ایس او ءِ توکا لائبینگ ءُ گروپنگ کتگ ایشان بائید انت بی ایس او ءِ ازادئیں حثیت برجم دارگ ئے پلہ مرزی کتیں تاکہ باندہ ہمے ورناہ ہمے پارٹیانی سرا یک چیک اینڈ بیلنس ئے بوتیناں ۔
بلوچ بزگیں راجے ءُ باز دلچسپیں راجے ہر وہدا وتی انا و ضدءِ واسطہ وتی جندءَ تاوان بار کنت ۔ کدی پہ۔انا ءُ ضد ءَ پہ۔تخلیق ءُ مثبتں مکسدا استعمال نہ کنت پمشکا ہر وہدا وت مہ وت ءَ گران چیل بوتگ گڈا دستے بی ایس او ءَ گٹا داتگ ۔
بلے 1987 ءَ بی ایس او سرفیس ئے پارٹیانی گران چیل ءَ چے گیش چیریں گل بی ایل ایم ئے توکی اڈ و جنجالانی سبب ءَ پروشیت ۔ چیریں گل اوں وتی دست بی ایس او ءَ مان کت ۔ ایدا اوں بلوچ لیڈر شپ وتی زہراں ورناہانی سرا کشاں ۔ بی ایل ایم ئے سروک رازق افغانستان ءَ دراں ڈیھ بیت۔ آ زمانگ ءَ دنیا بائی پولر ورلڈے بیت یک بلاک مارکسی و لیننی نظریہ ءُ فکرے دنیا بیت یکے بے ھدائیں سرمایہ دار ءُ سامراج بیت ۔
ھیر ادا پولٹ بیورو وتی اجلاس ءَ کنت ۔ چیریں گل ئے مرکزی باڈی چوں سویت یونین ئےتنظیمی حساب ءَ پولٹ بیورو ات ۔ رازق بگٹی ءَ نجیب اللہ ئے ھکم ئے سرا ہمے پیگام راہ دات ۔ رازق اے وہدا افغانستان ءَ دراھ ڈیھی ءُ وتی ڈیتھ ورنٹانی سبب ءَ دیوان ءَ ساڈھی بوت نہ کنت ۔ بلے اے وہدا دگہ بازیں سنگت ئے ڈیتھ وارنٹ زیا الحق ءَ کشیتگ اتاں ۔
رازق بگٹی ءُ نجیب ئے فیصلہ بیت کہ بی ایل ایم افغان ڈالر وار ئے بیرا چہ پاکستان ءَ بہ گیپت ۔ رازق تنظیم ئے پولٹ بیورو ءَ ہمے ھبرے کلوہ ءَ دیم دنت کہ پاکستان ئے توکا سلاھ بندیں جہد بنا کنگ بہ بیت ۔
افغانستان اے وہدا امریکی سا مراج ئے ءُ آئی ئے مدامیں دلال ءُ کاسگ چٹ سعودی عرب ءُ پاکستان ئے وت گڑیں ڈالر جہادےآماچ بیت ۔ امریکی ڈالرانی عوض ءَ افغانستان ءَ یک وت گڑیں جہاد ئے بنا کنگ بیت ۔ اسامہ بن لادن پیدا کنگ بیت ءُ دگہ بازیں جہادی کردار ہمے ڈالر جہاد ئے پیداور بنت ۔
افغانستان ءِ صدر کامریڈ نجیب چونکہ بلوچ پشتون لیڈرشپ ئے نظریاتی حوالہ درد وار بیت پمشکا رازاق ءَ ءُ اجمل خٹک ءَ ذمہ داری دنت کہ پاکستان سی آئی اے ءُ سعودی عرب ئے کمک ءَ چے افغانستان ءَ مداخلت کنگا انت لہزا بلوچ ءُ پشتون پاکستان ئے توکا عدم استحکام پداک کنگے واسطہ سلاھ بندیں جنگ شروع بکناں ۔ پشتون لیڈر شپ ءُ رازق ہمے گپ ءَ تپاک داراں بلے بی ایل ایم ئے لیڈر شپ اے گپاں چے کنونس نہ بیت ۔ گڈا پولٹ بیورو ئے سربراہی رازق بگٹی کشگ بیت ۔گڈا ہمدا چے رازق لابئینگ کنت اے جیڑہ ءَ زوریت بی ایس او ئے توکا بارت ءُ وتی لابئینگ ءَ کنگا سوب مند بیت ۔ بی ایس او گڈا 1987 ءَ پروشیت ۔
بی ایل ایم ئے ہما وہدے لیڈر شپ اسلم جان گچکی اسلم کرد ایوب جتک ڈاکٹر مالک فدا شہید مولا بخش دشتی حببیب جالب رازق بگٹی ءُ ہما وہدے دگہ لہیتیں سنئیریں سنگتاں مشتمل بیت ۔
۔۔۔روان انت۔۔۔۔
دلگوش: اے نبشتانک ءِ تہا درائیں حیال ءْ مارشت نبشتہ کار ءِ جند ئیگ انت۔ بلوچستان افیئرزءِ ادارہ ءِ ایشاں گوں تپاک بوھگ المی نہ انت۔
Discover more from Balochistan Affairs
Subscribe to get the latest posts to your email.