واٹس ایپ نے تھرڈ پارٹی چیٹ آپشن کی جانچ شروع کر دی ہے جس کے فعال ہونے پر واٹس ایپ صارفین ٹیلیگرام اور سگنل جیسے دیگر فوری پیغام رسانی کے پلیٹ فارمز کے ساتھ بات چیت کر سکیں گے۔
واٹس ایپ بیٹا انفو کے مطابق اینڈرائیڈ ورژن 2.23.19.8 کے لیے واٹس ایپ بیٹامیں آنے والی نئی خصوصیت کی طرف اشارہ کر رہا ہےتاہم فی الحال نئی خصوصیت صارفین کیلئے ابھی تک ناقابل رسائی ہے یہ اس بات کی طرف اشارہ ہے کہ یہ ابھی بھی ترقی کے مراحل میں ہے۔
واٹس ایپ اور فیس بک میسنجر یورپ کے خطے میں دو مقبول ترین فوری پیغام رسانی کے پلیٹ فارم ہیںجو اپنے استعمال میں آسان انٹرفیس اور اینڈ ٹو اینڈ انکرپشن کے ساتھ بہتر سیکیورٹی کیلئے جانے جاتے ہیں
واٹس ایپ کے علاوہ میٹا اپنے فیس بک میسنجر پر کراس پلیٹ فارم میسجنگ کو فعال کرنے کے لیے بھی کوشش کر رہا ہے۔
ای یو کے ڈیجیٹل مارکیٹس ایکٹ نے حال ہی میں الفابیٹ، ایمیزون، میٹا، بائٹ ڈانس، ایپل اور مائیکروسافٹ جیسی کمپنیوں کو گیٹ کیپرزکے طور پر فعال کیا ہے جسے اب اپریل 2024 تک نئے ضوابط کی تعمیل کرنی ہوگی۔