تمپ:
علی گوھرءِ سروکیءَ ڈگری کالج تمپ ءِ نودربرءُ استاداں،پسنی ءَ مبارک قاضیءِ پُرسءِ پتر لگت داتگ ءُ راجی شاعر مبارک قاضیءِ مانشءِ سرا چادر پر داتگ۔
ڈگری کالج تمپءِ ٹولی اول سر ا شُتگ واجہ مبارک قاضی لوگءَ پرس پترّے لگت داتگ ۔
ٹولی ءَ بلوچی ربیدگانی ردا پُرس نامائی ،واجہ رستم ءَ گُشتگ کہ مبارک قاضی ایوک پسنی ءِ جاہمنند نہ بوتگ ، آسرجمیں بلوچستان توار بوتگ ۔مرچی مبارک قاضی روگ ءَ سرجمیں بلوچستان پُرسیگ کُتگ ۔
علی گوھر ءَ گُشتگ کہ واجہ مبارک قاضی بلوچی زبان ءِ ہما شاعر بوتگ کہ آئی شعر چُک چُک ءِ دپءَ بوتگ انت ۔ مرچی ہما مردم کہ وانندگ اوں نہ انت بلے واجہ مبارک قاضی ءَ زانت ءُ پجہ کاریت ءُ آ واجہ ءِ بیرانیءَ پُرسیگ انت ۔
دیمتر ءَ آئی ءَ گُشتگ کہ مرچی نہ ایوک بلوچستان ءِ مھلوک بلکیں بلوچستان ءِ درچک ءُ دار ھم واجہ ءِ بیرانی ءَ پرسیگ انت۔بلے ما یک گپے زانیں کہ داں یک بلوچ ئے دنیا ءَ است گڑا داں ہما وھد ءَ واجہ مبارک قاضی ءِ نام مانیت۔
پدا ٹولی علی گوھر ءِ سروکی ءَ مچی ءِ شکل ءَ شُتگ واجہ مبارک قاضی مانش ءِ سرا ءُ واجہ مبارک قاضی ءَ دروت ئے ندر کُتگءُ مبارک قاضی ءِ مانش ءِ سرا بلوچی چادر پچ کُتگ۔
ڈگری کالج تمپ ءِ ٹولی ءَ علی گوھر،سفراحسان،استاد خورشید،ظفر اکبر،الیاس کریم،مسلم یعقوب،زاہد عیسی ،فرید شیرانیءَابید تحصیل تمپ ءِ چاگردی کارگشاد ھوار بوتگ انت۔
زانگ بہ بیت کہ مبارک قاضی ،بلوچی ءِ مزن ناميںءُ آشوب تواریں شاعر ءَہمے ماہ ءِ16ستمبر 2023 ءَدنیا یلہ کُت ءُ وتی پُشت ءَ سرجمیں راج ئے گمیگ کُت۔
Discover more from Balochistan Affairs
Subscribe to get the latest posts to your email.