ملیر:
بلوچی زبان ءِ مزن نامیں و نمیرانیں راجی شاعر مبارک قاضی یات ءَ ملیر ءَ بلوچاں موم بتی روک کُتگ ءُ ھاموشیں روانکے کشیتگ ۔
مچی مزنیں کساسے ءَ زالبول،گونڈو،ورناہ ءُ چاگردءِ ایندگہ تک ءِ مھلوکءَ بھر زُرتگ۔
بلوچی زبان ءِ گُشندہ سلیم بلوچءَ واجہ مبارک قاضی سوت”بلوچستان نمیران انت“ گُشتگ ءُ واجہ مبارک قاضی ءَ دروت ندر کُتگ۔
سلیم بلوچ ءِ سرجمیں سوت پہ گوشدارگ ءُ چارگءَ شُمارا بلوچستان افیئرز ءِ یوٹیوب چینل ءُ فیسبک تاک ءَ دست کپیت۔
ماں مچیءَ تران کنوکاں تران کُتگ ءُ گُشتگ کہ مبارک قاضی جسمانی ھسابءَ چہ مارا جتا انت بلے داں دنیا ءِ تہا یک بلوچے مانیت واجہ مبارک قاضی زندگ انت۔ آئی ءِ پگر ءُپلسپہ زندگ انت ءُ واجہ مبارک قاضی نمیران انت۔
زانگ بہ بیت کہ مبارک قاضی ،بلوچی ءِ مزن ناميںءُ آشوب تواریں شاعر ءَہمے ماہ ءِ16ستمبر 2023 ءَدنیا یلہ کُت ءُ وتی پُشت ءَ سرجمیں راج ئے گمیگ کُت۔
Discover more from Balochistan Affairs
Subscribe to get the latest posts to your email.