کوئٹہ:
بلوچستان نیشنل پارٹی کا تین روزہ کونسل سیشن بیاد بلوچ راہشون سردار عطاء اللہ خان مینگل کوئٹہ میں منعقد ہوا- تیسرے روز پارٹی آئین میں ترامیم سمیت پارٹی کے انتخابات عمل میں لائے گئے اور تین رکنی الیکشن کمیٹی تشکیل دی گئی جس کی چیئرمین راشدہ بلوچ، ممبران میں ملک مجید کاکڑ، حاجی ہاشم نوتیزئی تھے-
الیکشن نتائج کے مطابق سردار اختر جان مینگل صدر، ملک عبدالولی کاکڑ سینئر نائب صدر، آغا موسی جان نائب صدر، واجہ جہانزیب بلوچ سیکرٹری جنرل، ملک نصیر شاہوانی ڈپٹی سیکرٹری جنرل، باہڑ دشتی جوائنٹ سیکرٹری، آغا حسن بلوچ سیکرٹری اطلاعات و ثقافت، اختر حسین لانگو فنانس سیکرٹری، موسی بلوچ لیبر سیکرٹری، شکیلہ نوید دہوار خواتین سیکرٹری، نذیر احمد کھوسہ کسان سیکرٹری، خدائے داد واجو ماہی گیر سیکرٹری، احمد نواز بلوچ ہیومن رائٹس سیکرٹری، ڈاکٹر قدوس بلوچ پبلکیشن سیکرٹری، نذیر احمد بلوچ پروفیشنل سیکرٹری منتخب ہوئے-
جبکہ مرکزی کمیٹی کیلئے 104 درخواستیں موصول ہوئیں جن کے ناموں کا اعلان مرکزی کابینہ اجلاس کے بعد15روز میں کیا جائیگا- کابینہ تشکیل کے بعد تقریب حلف برادری بھی منعقد ہوئی راشدہ بلوچ نے نو منتخب کابینہ سے حلف لیا۔
Watch Latest Videos
