بلوچ اسٹوڈنٹس ایکشن کمیٹی نصیرآباد ھنکین ءِ نیمگ ءَ بلوچستان کتاب کاروان ءِ نام ءَ دو روچی کتاب میڑہ ئے برجم دارگ بوتگ۔ کتاب میڑہ اوستہ محمد ڈگری کالج ءَ برجم دارگ بوتگ کہ ،نودربر ءُ ایدگہ مردماں بھر زرتگ ءُ وتی دوستیگیں کتاب زرتگ۔
کتاب میڑہ ءَ گل ءِ تاک نوْشت ءُ زہگانی تاک گام ایر کنگ ءَ اوار ایدگہ جتائیں سرہالانی سرءَ کتاب ایر کنگ بوتگ۔ نودربر ءُ استاداں گوں وشنودی ءَ پہ وانگ ءَ وتی دوستیگیں کتاب درچیتگ ءُ زرتگ اَنت۔
بلوچ اسٹوڈنٹس ایکشن کمیٹیءِ گُشگ انت کہ ”بلوچستان کتاب کاروان“ گل ءِ یک کتاب میڑہی کیمپئن ئے کہ بلوچستان ءِ وانگی ادارہاں اوار میتگ ءُ بازاراں برجم دارگ بیت داں بلوچ نودربر کتاباں گوں نزیکی بہ کن اَنت ءُ زانت ءُ دربرگ ءِ نیمگءَ بیا اَنت۔
بلوچ اسٹوڈنٹس ایکشن کمیٹی ءِ گُشگ انت کہ ما گوں دل پہکی ءَ اے کیمپئن ءَ بلوچستان ءِ کُنڈ کُنڈ ءَ سر کنیں ءُ وتی راج ءِ تہ ءَ زانت ءُ زانشت ءَ گیش شِنگ ءُ تالان کنگ ءِ جہد ءَ کنیں
Discover more from Balochistan Affairs
Subscribe to get the latest posts to your email.