نبشتکار: محب حمید
چِہ بندات ءَ وھد ءِ بنی آدم اے دُگنیا ءِ تہا اتکگ گُڑا ھِچ راج ءَ دود ءُ ربیدگ زُبان وتن (ثقافت) نہ بیتگ۔ بنی آدم بے پُچ ءُ بے زُبان چو آ دِگہ جناور ءَ نی وڑ ءَ یل ءَ چر بیتگ انت۔ لہتیں مُدت ءَ پد بنی آدماں وتی ھما لہتیں ھاسیں ( اعضا ءَ نی) مور ءُ چیر کنگ ئِے واستہ درچک ءَ نی تاک زُرتگ انت ءُ وتی ھما (اعضا) ڈبّ اِتگ انت۔ وتی ھاسیں ( اعضا ) ءَ چِہ ابید آنگو تیوگیں جان اِش درا یا برھنگ بیتگ- وھد ءُ کرن گوْازان بیتگ انت ءُ بنی آدم زندگی ءِ شر ءُ ھراباں سرپد بُوھان بیتگ انت۔ گُڑا آیا پہ وتی جان ءِ رکینگ ءُ ڈبّگ ءِ واستہ پُچ ءُ پوشاک گوْارا کُتگ بلے دُرستیں بنی آدم ءَ نی پُچ یک وڑیں بیتگ انت۔ پدا کرن ءُ نوبت گوْاستگ انت بنی ءَ نی ٹک جوڑ بیتگ انت آ ٹک مرچی چو راجی ئِے داب ءَ انت۔ گُڑا ھر راج ءَ وتئ جان ءِ رکینگ ءُ ڈبّگ ئِے واستہ ھرچ راج ءَ جُتا جُتائیں پُچ ءُ پوشاک اڑ داتگ ءُ گوْارا کُتگ۔مرچی ھرچ راجی ئِے جُتائیں پُچ ءُ پوشاک چمپل ءُ پاگ ءُ دِگہ چیز ءَ نی جُتائیں دود ءُ ربیدگ ءِ جُتائیں روچ ءُ رمس دارگ بنت۔
اُنچش کہ مرچی 2 مارچ بلوچ راج ئِے دود ءُ ربیدگی روچ اِنت۔ اے روچ ءَ دُگنیا ءِ ھمُک کُنڈ ءَ کہ بلوچ است انت آ مراگش برجم دار انت ءُ دُگنیا ءَ را وتئ دود ءُ ربیدگ ءَ پیشد دار انت۔ بلوچ ءِ دود ءُ ربیدگ یک جوْانیں ربیدگ ئِے۔ بلوچی ربیدگ اسلام ءِ راھ بند ئِے سر ءَ اِنت اسلام ءَ اسلام ءِ چِہ ھم ڈن نہ اِنت۔ مرچی بانداں گِندگ بیت کہ دری راج ءَ نی زالبُول بلوچ زالبُول ءَ نی پوشاک ءِ گوْارا کنگ ءَ گندگ بنت۔ ایشی متلب کہ بلوچے انچیں پُرکشّیں پوشاک ئِے۔ دُگنیا ءِ دِگہ زالبُول چِہ بلوچ ءِ پوشاک ءِ (متاثر) بیئگ ءَ انت۔ بلوچستان ءِ جُتائیں دمگ ءَ بلوچاں وتی دود ءُ ربیدگ برجم داشتگ ءُ ھاس مئے زالبُول وتئ دود ءُ ربیدگ ئِے سک باز ھیال داری ءَ کن انت۔ مئے مردین آدم ءَ نی ھم یک پُرکشّیں پُچ ءُ پوشاک انت۔
_بلوچ ئِے دود ءُ ربیدگ چے چے انت؟
بلوچ زالبُول ءَ نی دود ءُ ربیدگ :
_ شلوار ، جامگ ، گُشان ءُ چادِر وت ءَ را مان پوش انت ءُ گوْارا ءَ کن ان۔ اے بلوچ زالبُول ءَ نی دود ءُ ربیدگ انت
بُرکہ بلوچی دود ءُ ربیدگ ءِ نہ اِنت بلوچ راجدپتر ءِ بوان ترا بُرکہ ئِے بابت ءَ ھِچ گپ ءُ سرپدی نہ رس ایت۔ بُرکہ چِہ بلوچاں ( عرب ) ءَ چِہ زُرتگ بُرکہ عرب ءِ دود ءُ ربیدگ ئِے تہر ئِے۔ بُرکہ ئِے جاگہ ءَ بلوچ زالبُول بلوچی چادِر وت ءَ را مان پوش انت ۔ بلوچی چادِر ءِ وتئ یک جُتائیں رنگ ءُ دُروشُم ئِے۔
بلوچ مردین آدم ءَ نی پُچ ءُ پوشاک:
بلوچ مردین آدم شلوار، جامگ ءُ لانکی وت ءَ را مان پوش انت
بلوچ پیرین مرد وتی سر ءَ باگ بند انت ءُ کسانیں ورناہ لانکی بڑّ ءَ کن کن انت
بلوچیں سکیں شوکیں ءُ براھداریں دود ءُ ربیدگ ئِے بلوچ ھر وھد ءَ وتی دود ءُ ربیدگ ءِ سر ءَ پہر بند ایت۔ ما کُل بائِد ایں وتی دود ءُ ربیدگ ءَ دُگنیا ءِ ھر کُنڈ پیش بدار اِنت مارا وتی دود ءُ ربیدگ رکینگی اِنت ما وتی ربیدگ ئِے تہا دِگہ دری ربیدگ مان مہ کن ایں۔ بلوچ اگاں دُگنیا ءِ ھر کُنڈ ءَ بروت من ءَ اُمیت اِنت وتی دود ءُ ربیدگ ءَ ھمود ءَ بارت ءُ کارمز کنت۔ لہتیں مئے بلوچ است دری مُلکاں روت وتی شھدیں زُبان ءُ ربیدگ ءَ بے ھال کن انت۔
بائِد اِنت ما دُگنیا ءِ ھر کُنڈ ءَ اگاں بُرو ایں مارا وتئ دود ءُ ربیدگ بے ھال کنگی نہ انِت انگت گیشترّ مارا موہ بِہ رس ایت ما دُگنیا ءَ وتی دود ءُ ربیدگ ئِے بابت ءَ سرپدی بِہ دیاں۔
پہ 2 مارچ ءَ مراگاہ ءِ دورگ ءَ مئے دود ءُ ربیدگ برجم نہ بیت پہ مراگاہ ءِ دارگ ءَ بلوچ دُگنیا ءَ اے پیگام دیئگ لوٹ ایت کہ بلوچ یک محکمیں راج ئِے۔ بلوچ ءَ را زیبائیں پُر مڑاھیں دود ءُ ربیدگ است۔
بلوچ دود ءُ ربیدگی روچ کُل بلوچاں مُبارک بات
شالا بلوچ بات اِت یکمُشت بات اِت وتی دود ءُ ربیدگ ئِے پاسداری ءَ انچُش دائم بِہ کنات اِت
نبشتہ کار شتنگی کُلانچءِ جاہ منند انت ءُ نودربر یے
Watch Latest Videos
