سمی دم درینگانے -ہشتمی بھر

زبیر بلوچ

بلوچ داں روچ ئِے مروچی یک قومی پارٹی یے جوڑ کنگ ءَ  سوب مند نہ بوتگ ایشی ءِ سبب چی انت ؟

قومی پارٹی مشترکہ قومی    پروگرام ءُ نظریہ ئے لوٹیت کہ آ base line بیت ایشی ءِ بنیاد ءَ    ماس لائنے دئیگ بیت۔ ایشی ءِ واستہ بلوچ راج ءَ theodor hezl ءِ پیداک کنگ لوٹیت انچو کہ ہیزل ءِ صیعونیت ءِ نعرہ ءَ  دنیا ءِ درائیں یہودی یروشلم ءَ کشیت ءُ اورتاں ءُ اسرائیل ءَ یہودی ریاستے جوڑ کت۔ ھمے رنگ ءَ بلوچ ءَ ھمے نعرہ جنگ کپیت کہ بلوچستان دنیا ءِ درائیں بلوچانی ماتیں وتن انت ۔ اے نعرہ بلوچ ءِ نیشنل کوڈ ءَ ازسرے نو ٹاھین ایت پرچہ کہ کھن ءُ کدیم ایں بلوچ کوڈ اوٹ ڈیٹ ایڈ انت ۔

بلے بلوچ نیشنل بورژوا کہ آ بلوچ سردار ءِ میر ءِ معتبر ءُ روایتی مھلوک ءِ شکل ءَ بوتگ آھاں کدی نہ لوٹیتگ کہ آ بلوچ ءَ اداراتی بنیادا مچ بکنت۔ بلوچ نیشنل بورژوا ءِ نفسیاتی مرض ایش انت کہ آئیءَ  لس بلوچ شوانگ ءُ بزگر ءِ strengten کنگ ھضم نہ بوتگ او عملًا اے جھد ئِے نہ کتگ۔ ایشی ءِ مستریں مثال نواب ھیربکش انت کہ واجہ ءَ کدی لس بلوچ شوانگ ءُ بزگرءَ لیڈر شپ ءِ رول ءَ قبول نہ کتگ بلکیں سرے عام ھمے ھبر ئِے کتگ کہ قبائیلیت وت ادارھے ءُ دگہ سیاسی پارٹی ءُ ادارہ ءِ جوڑ کنگ ئے زرورت نہ انت۔

بلوچ ءِ پارٹی نہ بوھگ ءِ سردار نواب ءُ روایتی مھلوک ءَ چے ابید دگہ سببے اوگانستان ءِ  ءُ روسءِ سرا  گیش بیسہ کنگ بوتگ۔ بلوچ سرپد بوتگ کہ اوگان ءُ روسی بلوچ ءِ نجات دْھندہ اَنت۔

کسانیں مقدارے ءَ بلوچ ءَ پاکستان ءِ ترقی پسند ءُ پروگریسوانی سرا بھروسہ کتگ کہ بلکیں حقیقی کمیونسٹاں ءُ بلوچ ءِ تحریک ءَ سپورٹ کن اَنت ءُ بلوچ ھمے چرپ زبانی ءَ چہ وتی صلاحیتانی دیما آرگ ءَ بے ھال بوتگ۔

اِشاں چے ابید بلوچ سیاسی قیادت ءِ توک ءَ کدی اجتماعی ءُ مشترکہ فیصلہ سازی رائے دئی نہ بوتگ زیادہ تر individual cult ءِ بنیاد ءَ یا personality  cult ءِ بنیادا کار دیما برتگ انت۔ اے individuals ءُ  personality بلوچ ءِ نیشنل بورژوا بوتگاں۔

۔۔۔روان انت۔۔۔۔

دلگوش: اے نبشتانک ءِ تہا درائیں حیال ءْ مارشت نبشتہ کار ءِ جند ئیگ انت۔

بلوچستان افیئرزءِ ادارہ ءِ ایشاں گوں تپاک بوھگ المی نہ انت۔