پنجگور میں مختلف حادثات و واقعات میں ایک شخص جاں بحق، 5 زخمی ہوگئے

چتکان بازار میں دکان کی چھت گرنے سے نوراحمد ولد فیض محمد نامی شخص جاںبحق ہوگئے جن کاتعلق زہری خضدار سے بتایا جارہا ہے جبکہ چار افراد زخمی ہوئے، زخمیوں کا تعلق صوبہ سندھ سے بتایا جارہا ہے۔ جاں بحق نور احمد اور چاروں زخمیوں کو طبی امداد کے لیے ٹیچنگ ہسپتال منتقل کردیا گیاہے۔۔ پنجگور کے علاقے سوردو میں فائرنگ سے ایک شخص زخمی ہواہے ۔ پولیس ذرائع کے مطابق نادر نامی نوجوان موٹرسائیکل پر جارہا تھا کہ ڈاکوﺅں نے ان سے موٹر سائیکل چھیننے کی کوشش کی، مزاحمت پر ڈاکووؤں نے فائرنگ کرکے انہیں زخمی کرکے موٹر سائیکل چھین کر فرار ہوگئے، زخمی اسپتال منتقل کردیا گیاہے۔