نبشتہ کار: آشا بلوچ
اوکسپورڈ ءِ جاه ءَ اگاں اے بل بیتیں ،دنیا ءِ نامداریں کتابجاه بودلین ءِ جاه ءَ اے باقی بلوچ کتابجاه بیتں پدا من اے دگانی جاه ءَ پشمبے باگانی میانہ همے داب ءَ تران بیتیناں … منا وتی سرا هم کندگ اتک کہ من برے برے چی جیڈاں … اگاں اوکسپورڈ ءَ کسے سہی بہ بیت کہ من اے دنیا ءِ شوکتر ءُ نامدارترین جاه ءَ گون بلوچستان ءِ یک کوچگین جاه بل ءُ پنچشمبے باگ ءَ هم دپ کناں گڈا بزا منی بهت کپت بلے من انگت اوکسپورڈ ءُ لندن ءِ دگانی سرا پہ پہر ملان … بس دل ءَ همے گپاں کناں کہ شما منی زمین چنڈ چنڈ کتگ ءُ دنیاءَ جنگ پیداگ کتگ بلے مرچی شما سک نامدار ءُ مردم هدوک انت شمے گندگ ءَ …. هیر بسین نی انچوک نگد کنگ منا وا اوکسپورڈ ءُ لندن ءَ باز راه ءُ موکہ داتگ ..من وتی ڈاهری همدا بند کت … من بودلین کتابجاه ءُ اوسپورڈ مزن دگا تچان تچان دانکہ وتی لوگ ءَ اشتاپی سر بیتاں … منی دزگهار دراه گیشیتگ اتاں ءُ بس هریکے منی ودار ءَ نشتگ ات …
We are just waiting for you .We have to leave now .
کسے ءَ وش وشوکین تواری ءَ گشت ..
Give me a second , I will be ready in a minute .
من دراهینت …
ما دراتکیں ..
اوکسپورڈ ءِ زیبناکیے دمک شپ ءَ ترپگ ءَ اَت ءُ من گون وتی دزگهاران گپ ءُ ٹاک دیان ءُ کسہ کاران دانکہ یک زیبناکین دگے ءَ پہ بس ودار ءَ نشتیں …. بلے اوسپورڈ ءُ لندن ءِ هچ زیبناکین دمک ءُ دران پشمبے باگ ءِ دمکانی تاهیر نہ داتگ ” من گون پروشت پروشین انگلش ءَ دیم پہ الیس ءَ کت ءُ گُشت …. الیس ءَ پہ مهروانین چماں منا چارات ءُ دراهینت
Now you must be feeling home here but it will take time ..! I hope you are enjoying our gathering today ! xxx
همے بنگپ سرا تران کنان ءُ دان ما سر بیتین وتی دیوانجاه ءَ .
درپشناکیں کوٹی مردماں پُر ات ، چیزے ٹولی ورگان گون دلگوش اَت ءُ چیزے دیوان ءَ بندات کنگ ءَ چست ءُ ایر ءَ اِتاں،دیوان ءِ بُن گپ پلستین اَت . منی دیوان ءَ روگ ءِ سبب هم پلستین اَت، پرچاکہ پلستین سرا ازراہیل ءِ زوراکی منا بلوچستان ءِ سرا بیوکین زوراکیان همگرنچ کنت منا بل ءِ هما شپانی یاتاں بارت کہ بمب ءُ ٹوپانی تواراں هر مردمے یک کونڈے ءَ زوکرتگ هر لوگی ءَ همے مارتگ کہ گولا منی لوگانی سرا کپت انت … پلستین ءِ چکانی گریتگین چم منا منی گهار ءِ ترانگا برانت کہ وهدیکہ اے بمبانی توار جکسیتگ منا بگلا کتگ ءُ گریتگ اش … ءُ منا یکمشتی ءِ بودے دنت ءُ جیڈگ پرماہیت کہ دنیا ءَ هر زوراکیے کہ بیگ ءَ اِنت آہی ءِ هلاپ ءَ یک گونڈوکین همراداریے ترا یک انسانے بیگ ءَ سکین دنت . کوٹی چہ مردم ءَ پُرات ، ہر نیمگ ءَ گپ ءُ دیوان اَت ، نوکین مرمانی گوم ءَ سلام ءُ دوا اَت …
I will introduce you to my friend Aisha .
منی همراهانی تها یکے ءَ دست منی نیمگ ءَ شارت ءُ وتی سنگت ءَ گون منا دروت ءُ دراهی کناهینت .
Hello , I am Jack . Nice to meet you .
Hi Jack . I am Aisha . Nice to meet you too .
Where are you from ?
منا جیک ءَ جست کت ..
I am from Baluchistan .
من دراہینت .
Where is it ? I never heard of it …
جیک ءَ گیشین زانگ ءِ هاترا منی دلگوش پدا بلوچستان نیمگ ءَ برت …
It is not an independent state . Balochistan is divided into three countries ,which are Pakistan, Iran and Afghanistan ..
همے جست ءُ پرساں منی موڈ بے تاهیر ءُ ملور کت کہ منا پرچا پجا آورتگین پجارے نیست !! منا مروچا اے جستے سرا سک بد کیت … گون وت وتی هیالان گپ ءَ اتاں ،اناگہ منی کشا نشتگین دزگهارے ءَ توار پرجت . Aisha would you like a
glass of beer ?
No. Sorry I do not drink alcohol .
نزاناں پرچا منی دزگهار بیهال بیت ءُ هر رندا منا جست کنت پہ بوتلے ورگ ءَ … میوزکانی ازباب ایر کنگ بیتاں ، پلستین ءِ بیرک مِک کنگ بوتاں . دیوان ءِ بندات ءِ جار جنگ بوت … ہر نیمگاں بےتواری اَت … مردم سنجیدا نشتگ ءُ دیوان ءِ جار ءُ تراناں گوشدارگ ءَ اِتاں … تلوے سرا یک جنکے اسراهیل ءَ سک زبرگ ءَ اَت … زال ءَ وتی ملگور پچکُتگ اتاں پہ یک کردے پیشدارگ ءَ ساڈی ات … Please push your chairs behind ,there should be more space for people
کسے ءَ ماہک سرا شور کت ءُ گشت … من انچوکے کُرشی سرینت پہ کینزینگ ءَ منی دست ءَ گرمیے مارِت .. من سک گڈاتاں
Please watch …watch . ..!You burnt yourself !.
کسے ءَ منا هال دات کہ کیتلیے چاه منی سرا رتکگ انت … !! اے اما ءِ کیتلی جند انت وهدیکہ منی چم کیتلی ءَ کپتنت انت .
کیتلی ءَ منا پدا بل ءَ برت .. من پدا هیلانی تها بلوچستان ءَ سر بیتاں .. اے کیتلی چٹ ءَ اما ءِ کیتلی رنگ اِنت .. اما ءَ وتی کیتلی سک دوست اَت .. هر وهدا گرمین آپ مان کت ءُ ایرش کت کہ پجر ءَ دزنماز گران . اما ءَ نماز ءَکارمرز بیوکین هرچیز دوست اَت … بلے روچے هرابین اتک پہ کیتلی ءَ .. اما ءِ کیتل منی برات ءِ گاڈی ءَ شیرچینت ءُ لگت دات … اما ءَ اے نوبت سک توراِټ ءُ سک گلگ ءُ زاری کت اِش.. هر وهدا کیتلی ءِ تاریپ دپ ءَ اتیں چونین شرین کیتلی اَت ..اما ءَ کیتلی نمازءِ همراهی ءَ سک دوست ات .. من سک کسان اتاں کہ اما ءِ کیتلی شیرچگ ءِ دردءَ پہمت بکنان … بلے مرچی اوکسپورڈ ءِ بے وهدین شپ منا اما ءِ کیتلی ءُ بل ءِ یاتان چہ دیر نہ کنت …
من وتی موباہیل ءَ چہ سہت چارت دا شپ ءِ 10 انت …. من وتی همرا توار کتاں کہ من دیوان ءَ نشت نہ باں من روگ لوٹاں وتی روم ءَ .
Did you not enjoy today ?
نندوکانی تہا کسے ءَ دراہینت..
Of course I did …
بلے من هچ گشگ نہ لوٹت کہ اما ءِ کیتلی ، پشمبے باگانی دمک منا بے تاهیر کنگ ءَ انت ….a
Discover more from Balochistan Affairs
Subscribe to get the latest posts to your email.