بلوچستان نیشنل پارٹی کے مرکزی مذمتی بیان میں زیارت میں لاپتہ افراد کو جعلی مقابلے میں شہید کرنے کے بعد ان کے لواحقین پر کوئٹہ میں لاٹھی چارج میں ماما قدیر بلوچ سمیت خواتین ‘ بچوں ودیگر کو زخمی کرنے کی شدید الفاظ میں مذمت کرتے ہوئے کہا گیا ہے زیارت سانحہ انسانی حقوق کی خلاف ورزی ہے پرامن احتجاج کرنا ہر ایک کا جمہوری و سیاسی حق ہے آزادی اظہار رائے پر قدغن لگانا آئین کی برخلاف بیان میں کہا گیا ہے کہ خواتین اور بچوں پر لاٹھی چارج اور شیلنگ کا عمل قابل مذمت ہے لاپتہ افراد کا مسئلہ بلوچستان کے مسائل میں سب سے اہم مسئلہ ہے جس کی وجہ سے بلوچستان میں بحران شدت اختیار کر رہا ہے بڑی تعداد میں لاپتہ افراد کے لواحقین آواز بلند کر رہے ہیں پارٹی سمجھتی ہے کہ بلوچ مسئلہ اور بلوچستان کے مسائل کو مذاکرات سے حل کیا جائے پارٹی کے سامنے ہمیشہ بلوچ اجتماعی معاملات اہمیت کے حامل رہے ہیں بیان میں کہا گیا ہے کہ ہر کسی کو یہ حق حاصل ہے کہ وہ اپنے حقوق کے حصول کیلئے اور لاپتہ افراد کی بازیابی کیلئے آواز بلند کرے پارٹی ہر فورم پر پہلے بھی لاپتہ افراد کی بازیابی اور بلوچستان کے معاملات کو بہتری کی جانب لے جانے کی کوشش کرتی رہی ہے اب بھی ہم سمجھتے ہیں کہ لاپتہ افراد سمیت بلوچستان کے تمام جملہ مسائل کو سیاسی بنیادوں پر حل کیا جائے اور طاقت کا سہارا پہلے بھی لیا گیا اور اب بھی لیا جا رہا ہے یہ مسئلے کا حل نہیں مسائل کا حل مذاکرات ہیں لاپتہ افراد کی بازیابی کیلئے اپنا سیاسی جمہوری کردار ادا کرتے رہیں گے پارٹی قائد سردار اختر جان مینگل لاپتہ افراد سمیت دیگر مسائل کے حل کیلئے غیرمتزلزل انداز میں جدوجہد کر رہے ہیں سپریم کورٹ ہو ‘ پارلیمان ہو یا کہ سڑکوں پر ہمیشہ لاپتہ افراد کی بازیابی کیلئے جدوجہد کی اور ہمیشہ یہ جدوجہد جاری رہے گی تمام لاپتہ افراد کو فوری طور پر منظر عام پر لایا جائے اور زیارت سانحہ کے حوالے سے جو جوڈیشنل کمیشن قائم کیا گیا ہے کہ امید ہے کہ وہ مکمل طور پر آزاد انہ تحقیقات کر کے سانحہ زیارت کے حقائق منظر عام پر لائے گی بیان میں مستونگ کھڈ کوچہ سے حاجی جان محمد شاہوانی کے دو بیٹوں اور دو بھتیجوں لاپتہ کرنے کی بھی شدید الفاظ میں مذمت کرتے ہوئے کہا گیا ہے کہ لاپتہ افراد کا مسئلہ بلوچستان میں انسانی بحران کی شکل اختیار کرتا جا رہا ہے جو کہ قابل تشویش ہے ہونا تو یہ چاہئے کہ لاپتہ افراد کے مسئلے کو حل کرنے کی جانب لے جایا جائے تاکہ بلوچ مسئلے کے حل کی جانب بڑھا جائے جب تک لاپتہ افراد کا مسئلہ حل نہیں ہوتا بلوچستان کا مسئلہ مزید گھمبیر ہوتا جائیگا ۔
Watch Latest Videos
