نیشنل پارٹی ھاران ءِ یک ھاسیں دیوانے بلدیاتی گچین کاریانی ءِ درگت ءَ نیشنل پارٹی ھارانءِ کارمستر سردار حبیب اللہ فقیرزئی ءِ پاگواجہی ءَ جم دارگ بوت جارچینی ءِ ڈبہ پارٹی کمک کارگشاد سلام ءِ کوپگاں ات۔
دیوان ءَ نیشنل پارٹی ھاران ءِ کارمستر نیشنل پارٹی ضلعی صدر سردار حبیب فقیرزئی، کار گشاد خورشید عالم، تحصیل ءِ کارمستر میر کے ڈی بلوچ، کمک کارمستر صدر شاہ فیصل کبدانی، بنجائی کونسلر،میر صغیر احمد بادینی، محمد علم قمبرانی،یونس بلوچ میر سلام جان سیاپاد، شاہ میر خان فقیرزئی، حاجی عبدالغفار مسکانزئی، حاجی ادریس احمد مسکانزئی، شعیب احمد مسکانزئی، عبدالرزاق لوراجہ میر احمد جان سیاپاد، بی ایس او پجار ءِ بنجائی کمیٹی ءِ باسک غنی حسرت ءُ سونو بلوچءَ تران کت ءُ گُشت کہ نیشنل پارٹی آؤکیں بلدیاتی گچین کاری ءَ گوں جوانیں وڈے ءَ بہر زوریت ءُ سوب مند بیت۔
دیوانے ءِ تہا بلدیاتی گچین کاری ءِ درگت ءَ گپتگیں کمیٹی ءَ را ڈبہ دئیگ بوت کہ آ دو روچ ءِ تہا بلدیاتی گچین کاری ءَ نیشنل پارٹی ءِ بہر زوروکیں سنگتانی نام ءَ دیم ءَ بیار اَنت۔