ہیومین رائٹس کمیشن آف پاکستان (ایچ آر سی پی ) ءِ چیئرپرسن حنا جیلانی ءَ کراچی شہ دربرجاہ ءِ بلوچ نودربرانی آوار جنگ ءُ گوراہاں بندوکیں واقعات ایر جتگ انت ، ایچ آر سی پی ءِ گشگ انت کہ اے نودربر قانود نافذ کنوکیں ادارہ ءَ چست کتگ انت ، ءُ ہما مردماں کہ اشانی بازیابی ءِ لوٹ کتگ گوراہاں ترندی کنگ بوتگ ءُ ءُ آ دزگیر اش کتگ انت ، آئی ءَ بلوچ نودربر دودا بلوچ ءُ گمشاد بلوچ ءِ یلہ دیگ ءِ باروءَ گشتگ کہ اے گپ گشگ کرزیت کہ داں اے نودربرانی یلہ دیگ ءَ زانگ نہ بوتگ کہ آ کجا انت ، اے پیمیں بیگواہی درقانودی انت بگندئے درانسانی انت ،
حناجیلانی ءِ گشگ انت کہ گارءُ بیگواہ کنگ ءِ عمل را ءَ درستیں مردماں چہ بیگواہی ءَ رکّگ ءِ میاں استمانی قانود ءِ رِد ءَ جرم گشگ بہ بیت ، اے زوراکیں کِرد یک جتائیں جُرمے لیکگ بہ بیت ءُ اے کار ءَ ہواریں مردم قانود ءِ رِد ءَ جُست ءُ پرس کنگ بہ بنت ، ءُ درستیں اثرمندیں مردم ءُ آہانی کَہول ءَ را نقص ءِ عِوض دیگ بہ بیت ۔
Discover more from Balochistan Affairs
Subscribe to get the latest posts to your email.