بلوچ اسٹوڈنٹس ایکشن کمیٹی لیاری بُنزہ ءِ بنزھی دیوان بنزہ کماش سمیر بلوچ برجم دارگ بوت، دیوان ءِ مہمان خاص ھنکینی کارگُشاد سلیم بلوچ ءُ اعزازی مہمان ھنکینی سنگت زکریا بلوچ ءُ زاھد بلوچ بوتگ اَنت-
دیوان ءَ ھنکینی سرکیولر ، گوستگیں رپورٹ ، تنقیدی نشست ، تنظیمی امور ، ھَندی ءُ میان اُستمانی سیاسی جاور ھال ءُ آؤکیں گامگیج ءِ سرھالانی سرا گوں دلجمی ءَ گپ ءُ تران بیت-
تنظیمی امور ءِ ایجنڈہ ءِ تہ ءَ سنگتاں نودربر سیاست ءِ ضرورت ءُ کراچی ءِ سیاسی ماحول ءِ سر ءَ گپ جنان ءَ گُشت کہ کراچی بنیاد ءَ چہ بلوچ سیاست ءِ بنجاھی ھندے زانگ بیت بلئے گوستگیں وھداں گشّینتگیں پالیسیاں گوں اِد ءَ سیاست ءِ دیم ءَ مٹ کنگ ءُ ایشی ھمراھی ءَ بلوچ علاقھاں پہ زور پدمنتگی ءِ نیمگ ءَ برگ بوتگ کہ ایشی سان داں دراجیں مُدتے ءَ اِد ءِ نشتگیں بلوچ مھلوک ءِ سر ءَ کپ اَنت ءُ نودربراں اے گپ زانگی اِنت کہ سیاسی عمل ءِ تہ ءَ دیر کنگ ءَ گوں سرجمیں مھلوکے ءِ باندات تھار دیمی ءِ آماچ بیت ءُ ایشی اثر مرچی کراچی ءَ ھوار بلوچستان ءِ جتاہ جتاھیں ھَنداں گندگ بیت۔
کراچی ءِ لس بلوچ مھلوک ءَ ھوار بلوچ نودربر ءَ انچو پالیسیانی دیم ءَ مرچی ھم وت ءَ بلوچ پجّار ءِ بنیاد ءَ زندگ داشتگ ءُ مرچی ئیں جاور اے گپ ءِ ھکّ ءَ اَنت کہ ما اے پجّار ءَ سرجمیں لیکھے ءِ بنیاد ءَ ایر کنگ ءِ جُھد بہ کن اِیں ءُ آ لیکہ بلوچ راجدوستی ءِ لیکہ اِنت ءُ مارا ھمے لیکہ ءَ گیش ءَ چہ گیش بلوچ مھلوک ءُ ھاس بلوچ نودربرانی میان ءَ مھکم کنگ ءِ ھاتر ءَ کار ترتیب دیگی اَنت۔
گُڈی بن گپ.آؤکیں گامگیج ءِ تہا گوستگیں کابینہ ھلاس کنئگ بوت ءُ پہ نوکیں کابینہ ءَ سنگت گچین کنئگ بیت اَنت-
بُنزہ کارمستر : سمیر بلوچ
بنزہ کمک کامستر : حمّل بلوچ
کارگُشاد : شاہ جان بلوچ
کمک کارگشاد : سنگت زاھد
شنگکار : وحید بلوچ
دیوان ءِ گُڈسر ءَ ھنکینی کارگُشاد ءَ سنگت سوگند دات اَنت ءُ دیوان ءِ ھلاسی جار جنئگ بوت-
Discover more from Balochistan Affairs
Subscribe to get the latest posts to your email.