زبیر بلوچ
وہابی نیشنل ازم جنگوازم ءِ بلوچی ورژن انت جنگو ازم ءَ بلوچ سیاسی سنگتاں کاپی کتگ( کلیں بلوچ سیاسی گل ءُ پارٹی آں پارلیمانی ءُ غیر پارلیمانی ) وتی گراونڈءِ حسابءَ کارمرز کتگ ۔نوں باقاعدہ یک توانا ءُ توانگریں رویہ یے شکلءَ سیاستءِ توکا موجود انت ۔ اے (ہجمینک) وہابی نیشنلسٹ اپروچ بلوچ نیشنلسٹ سیاستءِ توکا ترقی پسند نیشنلزمءَ کاونٹر کنگءَ انت ءُ چاگردءِ اجتماعی نپ ءُ سیت، مشترکہ قومی بیانیہ مشترکہ قومی اسٹرٹیجی ءُ مکسدءِ حصولءِ دیما بلائیں دیوالے جوڑ بوتگ ۔
مشترکہ قومی اسٹرٹیجی ءُ مشترکہ قومی بیانیہ تاریخءِ ارتقائی پروسیسءَ چے پد یک سالڈیں فارمےءَ دیما کیت۔ تاریخی ارتقا ءِ چاگردءِ معیاری ءُ مقداری تبدیلی دوئینانی نام انت ۔ اگاں ما بلوچءِ سیاستءِ ارتقاء یے عمل ءَ بِہ چاراں مارا مختلفیں واکہاتانی تجزیہ کنگ لوٹیت۔ تاریخءِ ارتقاء سپرءِ سیادی گوں پیداوری قوت ءُ طرز پیداوراں گوں تعلق داریں بحثے۔ بلے بلوچءِ طرز پیداوار چی انت ؟
پیداواری قوت کجام اَنت؟
اے اکیڈیمک بحث تنیگا بلوچءِ کرا نیست انت۔
دنیا یونیورس ءَ چے ملٹی یونیورس ءُ بحثءَ سر بوتگ راستی بِہ زاں ٹروت ءَ چے پوسٹ ٹروت ءَ سر بوتگ بلے مئے گورا تنیگہ اے ھبر محض یوٹوپیائی ھبر بوت کت کننت ۔
مارکسی سائنسءِ ردا چاگردءِ جدوجہد اسل کردار ءُ جوہر طبقاتی کردار انت ۔
سوال ایش انت بلوچ ءِ توکا طبقہ کجام کجام آں ؟
یا بلوچ چاگرد کلاسیک چاگردے؟
کجام طبقہ لٹ ءُ پلءِ ذمہ وار انت؟
کجام طبقہ نپ ءُ کٹ ورگا انت؟
کجام طبقہ لس مہلوکءِ (پرولتاریہ; ہما کہ وتی محنت ءَ نیادی ءَ بہا کنت وتی لاپ ءَ والینت )ءِ معاشی سیاسی چاگردی حق جنیءَ کنگءَ انت؟
اے بلوچ چاگردءِ تضادات آں اے تضاداتانی زانگ المی انت ۔ بقول ہیگل ئیگءَ زندگیں چیز ہما انت کہ آئی توکا تضاد موجود انت ۔ بلوچءِ چاگرد یک زندگیں چاگردے تضادات چے سر باریں چاگردے ۔ تضادات زندگی ءُ چاگردءَ حرکت دئیاں مومنٹم جوڈ کنان کنت ۔ ایشیءِ واسطہ موضوعی ءُ معروضی قوتءِ بوہگ المی انت ۔
سماجی تبدیلی ءُ چاگردی بدلی ءُ سدلیءِ سپر دراج بیت اے طویل ءُ دراجیں سپرءِ تہءَ انسانءِ شعورءِ سطح ءُ لیول برز بوان بیت ۔کہنیں ءُ کدیمیں چیز یلا کنگ بنت۔ نوکیں رویہ ءُ ٹرینڈانی جاھا گرنت ۔چاگرد میزان میزانءَ بدلیءِ نیمگءَ رؤت۔ چمدا چے مقدار ءُ میارءِ جدلیاتی عمل چاگردءِ توکا بنا بوہان بیت ۔ تبدیلیءِ سائینسءِ ردا فرسودہ ایں غیر سائینسی ءُ کہنیں رویہ تب ءُ ھیل ویل کنگ بنت ءُ نوکیں جدیدیں تب ءُ رویہ زورگ بنت ۔
اکبر بگٹیءِ کوش بلوچ چاگردءِ میاری تبدیلی یے۔ ھمدا چے چاگرد بدل بوہان بیت سیاست کلچر لٹریچر ادب اخلاقیات انسانی رویہ مہر ءُ دوستی مچ چیز مٹ بنت بلوچ نوکیں دورے ءَ داخل بیت۔
Discover more from Balochistan Affairs
Subscribe to get the latest posts to your email.