حاصیں رپورٹ: لندن ڈیسک
بلوچستان ءِجاورحال ءَاحوالکاری ءُصحافت ءِپِڑءِگشادمدام لُک بوتگ۔استان ءِظلم ءُزوراکیاں بگرداں کہ بلوچ ڈیھ ءِوسائلانی لُٹ ءُپُل ءَاحوال کاری ءَپہ دل ایمنی وتی علمی ءُکِسب کاری ءِبُنکی لوٹ پیلونہ کتگ انت۔بلوچستان ءَاحوال کاری مدام سیاسی پارٹی ءُادارہانی جلسہ ،جلوس،بیان ءُچست ءُ ایرانی رپورٹ جوڑکنوک بوتگ۔دنیاءِتہذیب داریں راج ءُرعیت احوال کاری ءَاُلس ءِزندمان ءِترجمان لیکنت ءُاحوال کاری ءِباروءَگشنت کہ اے فگرءُمارشتاں راست ءُتچکیں راہ شوناہیت۔بلئے بلوچستان ءَاحوال کاری اُلس ءِفگرءُمارشتاں شموش کارانت،آگیشترحاکُم ءُمغیمانی آسراتیانی دیم دارجوڑبوتگ۔
گوں احوال کاری ءَتعلق داریں مردم گشنت کہ بلوچستان ءِجاورانی نبسیگ پہ وت ءَگوں وتی جندءِدستاں چاتءِجَنَگ انت۔بازگوشیت کہ استان ءِادارہ ترامکن کننت کہ تواستان ءِسیتّ ءَڈلگچاربکن ات ءُراستیں راہ شموشتیں مہلوک ءِجفاہاں جہان ءِدیم ءَدرانگازبکن ات۔بازگوشیت کہ بلوچستان ءَبرجاہیں زوراکی ءِشہکورءَاحوالکاری ءِپیمیں نزوریں پِڑداشت نہ کنت۔
ماجہان ءِآدگہ ڈیھ ءُدمگاں سرگوزبکنیں وتی آپ بنداں نشتگیں کشوراں سئیل بکنیں ۔ایران ءَسردرائیں جنکے ءِعکس ءُکسانیں احوالے فرعون دروشمیں ایران ءِملاہیں رہشون ءِاندام ءَلرزگے چیرکنت۔ہندوستان ءَکلانہیں زالیں شاعرے ءِلچہے ءِاحوالے دیم ءَکئیت تیوگیں استان ءَجکسینیت۔اوگانستان ءَشہ دربرجاہ ءِجنکیں نودربرے سنگ ءِزمانگ ءَزندگیں طالبان ءِدیم ءَوتی حق ءِگپءَ جنت ہمے عکس ءُویڈوءَاقوام ءِمتحدہ دلگوش کنت ءُجہان طالبان ءِجنکانی وانگ ءِبندش ءَایرجننت۔زوراک ءِایمان ءُظلم ءِبیم داں ہماوہدءَپُرتاثیرانت کہ توئے اُلس وتی ناوشی ءَدرشان نہ کنئے۔
احوال کاری ءُصحافت ءِپڑءَبائدانت بلوچ ءِراج دوست ءُزبان دوست دلگوش بہ دی انت ۔راستی ءِشوہازگ ءَءُدرانگازکنگ ءَدیمروی کتگیں راجانی ٹیکنالوجی ءَکمک بزورانت۔بلوچ اُلس ءِفگرءُمارشت ہمااَنت کہ ریڈانڈین ءِبوتگ انت،ہماانت کہ کُردانی انت،ءُاے مارشت ہماہانی انت کہ پہ وسی درپہ درءُہاک پہ سرانت ،پھٹان انت،سندھی انت ،اے فگرءُمارشت بیدادسگوکیں درمُلکاں کپتگیں احوال کارانی انت،شاعرانی انت،ناول نبیسانی انت۔
بلوچ ڈیھءِکیلّگ،کوچگ ءُکوہ دامان ءُجلگہاں آبادیں ءُآزمان چاریں اُلس ءَجان سلامتءُوانندگیں چاگردے رہچارانت اگاں بلوچ ءِجفاہاں ،تکلیفاں احوال کارے ،پہ لبز،پہ عکس،پہ ویڈوپہ گُشتانک جہان ءَسربکنت
Watch Latest Videos
