ترجمان امریکی محکمہ خارجہ ویدانت پٹیل نے میڈیا بریفنگ میں کہا ہےکہ پاکستانی شراکت داروں کے لیے واضح پیغام ہے کہ جیل میں قید ہرشخص کو بین الاقوامی قوانین کے تحت حاصل تمام انسانی حقوق ملنی چاہیں۔ یہی بات چیئرمین پی ٹی آئی کے سلسلے میں بھی ہے۔ ان سے متعلق مزید تفصیل پاکستان ہی بتا سکتا ہے۔
ترجمان نے مزید کہا کہ پہلے بیان میں بھی کہا تھا کہ امریکا پاکستان کی نگراں حکومت کے ساتھ مل کر کام کرنے کے لیے تیار ہے۔
متعدد امور پر پاکستانی نگراں حکومت کے ساتھ کام کرنے کے منتظر ہیں خاص طور پر ایسی صورتحال میں جب نگراں حکومت عام انتخابات منعقد کروانے کی تیاری کررہی ہے۔