برطانیہ میں گزشتہ 30 برس کی سب سے بڑی ریئل اسٹرائیک

برطانیہ میں گزشتہ 30 برس کے دوران کی سب سے بڑی ریلوے ہڑتال آج منگل کے دن سے شروع ہو گئی ہے۔ ریلوے ملازمین کی طرف سے تنخواہ میں اضافے کے مطالبے پر کی جانے والی اس ہڑتال میں قریب 40 ہزار کے قریب افراد شریک ہیں جس کی وجہ سے ملک بھر میں ریلوے ٹریفک تقریباﹰ مفلوج ہو کر رہ گئی ہے۔ یہ ہڑتال آج منگل کے علاوہ جمعرات اور ہفتے کو بھی کی جائے گی۔ لندن میٹرو ٹرین کے ملازمین بھی الگ سے ہڑتال پر ہیں جس کی وجہ سے زیر زمین ریلوے کا نظام بھی تقریباﹰ بند ہے۔ مزدور یونینوں نے امکان ظاہر کیا ہے کہ ہڑتالوں کے اس سلسلے میں بعد ازاں دیگر شعبوں کے ملازمین بھی شامل ہو سکتے ہیں۔