جی سيون ممالک کا کوئلے سے توانائی کے حصول کو عملی طور پر ختم کرنے کا فيصلہ

ترقی يافتہ ممالک کے گروپ جی سيون نے کوئلے سے توانائی کے حصول کو عملی طور پر ختم کرنے کا فيصلہ کر ليا ہے۔ يہ پيش رفت ان ممالک کے وزراء برائے ماحوليات کے برلن ميں منعقدہ اجلاس ميں سامنے آئی۔ رکن ملکوں نے سن 2035 تک کاربن فری اليکٹرسٹی کے حصول کا ہدف طے کيا ہے۔ اجلاس ميں بحراؤں ميں آلودگی کے خاتمے کے ليے آئندہ دو برس تک کسی عالمی معاہدے کو حتمی شکل دينے پر بھی اتفاق ہوا۔ دنيا بھر ميں تحفظ ماحول کے ليے سرگرم افراد اور تنظيموں نے اس پيش رفت پر مثبت رد عمل ظاہر کيا ہے۔ جی سيون گروپ ميں امريکہ، برطانيہ، جرمنی، فرانس، اٹلی، کينيڈا اور جاپان شامل ہيں اور اس وقت اس گروپ کی قيادت جرمنی کر رہا ہے۔