جی سيون سمٹ کے شرکاء کی ميونخ آمد شروع

صنعتی طور پر ترقی يافتہ ملکوں کے گروپ جی سيون کے سربراہان مملکت و حکومت آج سے جنوبی جرمن شہر ميونخ پہنچنا شروع ہو گئے ہيں۔ رياست باويريا ميں ايلپس کے پہاڑی سلسلے کی آغوش ميں ايلماؤ کے مقام پر جی سيون کا سالانہ اجلاس اتوار سے آئندہ منگل تک جاری رہے گا۔ يوکرين پر روسی فوجی حملہ، ماحولیاتی تبديلياں اور توانائی اور خوراک کے بحران اس اجلاس کے مرکزی موضوعات ہوں گے۔ کئی سماجی تنظیموں اور گروپوں نے اس سمٹ کے موقع پر احتجاجی مظاہروں کا اعلان بھی کر رکھا ہے۔ حکام بيس ہزار تک مظاہرين کی شرکت کی توقع کر رہے ہيں۔ کسی بھی ممکنہ ناخوشگوار واقعے سے نمٹنے کے ليے ایلماؤ اور اس کے نواح میں اٹھارہ ہزار پوليس اہلکار تعينات کيے جا رہے ہيں۔ جی سيون سمٹ کے بعد مغربی دفاعی اتحاد نيٹو کا سالانہ اجلاس آئندہ ہفتے بدھ اور جمعرات کو ہسپانوی دارالحکومت ميڈرڈ ميں ہو گا۔