برطانوی وزیر اعظم بورس جانسن مستعفی، نئے پارٹی سربراہ کے انتخاب تک کام کرتے رہیں گے

برطانوی وزیر اعظم بورس جانسن مختلف اسکینڈلز کی وجہ سے اپنی کابینہ کے متعدد ارکان کے استعفوں کے بعد بالآخر مستعفی ہو گئے۔ انہوں نے لندن میں اپنی سرکاری رہائش گاہ کے باہر صحافیوں سے گفتگو کرتے ہوئے کہا کہ وہ حکمران ٹوری پارٹی کی قیادت سے مستعفی ہو رہے ہیں اور نئے پارٹی لیڈر کے انتخاب تک حکومتی سربراہ کے طور پر کام کرتے رہیں گے۔ انہیں اپنی پارٹی میں شدید تنقید کا سامنا تھا۔ جانسن کے استعفے سے قبل حکمران قدامت پسند جماعت کے تقریباﹰ پچاس حکومتی عہدیداروں نے استعفے دے دیے تھے۔