انڈونیشیا میں جی ٹوئنٹی کے وزرائے خارجہ کا اجلاس، یوکرینی جنگ بھی مرکزی موضوع

انڈونیشیا کے تعطیلاتی جزیرے بالی پر آج جمعے کے روز دنیا کی ترقی یافتہ اور ابھرتی ہوئی معیشتوں والے ممالک کے گروپ جی ٹوئنٹی کے وزرائے خارجہ کا ایک اجلاس ہو رہا ہے۔ اس اجلاس میں یوکرینی تنازعے پر بین الاقوامی رد عمل اور اشیائے خوراک اور توانائی کے ذرائع کی مسلسل ترسیل کے لیے عالمی تعاون کو مرکزی موضوعات کی حیثیت حاصل ہے۔ اس اجلاس میں شرکت کے لیے روسی وزیر خارجہ سیرگئی لاوروف بھی بالی پہنچے تھے مگر بعد میں کہا گیا کہ وہ جی ٹوئنٹی اجلاس کی باقاعدہ نشستوں میں حصہ نہیں لیں گے۔