گوستگیں روچاں انٹیلی جنس ءِ جوڑکتگیں “باپ” پارٹی ءِبازیں میراں وتی بُنی واجہ ءِگشگ ءِپدءَ”باپ” پارٹی ویل کت ءُپاکستان پیپلزپارٹی ءَہواربوتنت۔بلئے اے لَڈّءُبارتنیگہ آسرنہ انت۔بُنی واجہ دل ءَگَل انت کہ لِڈرمگ بنت ءُشیرءُبستگے ءِتوجیل بیت،بلئے بلوچ شَرزاننت کہ اے وت سازیں میرءُبُرزچُوڑیں پاگانی واجہ جولاہگ انت۔
میرظہوربلیدی کہ بلیدہ ءَپی بی 45ءِسیٹ ءَبی این پی ءِمیرانورشئے مزارءِاوٹانی(ووٹانی) دُزّگ ءُدیگ ءَوزیرجوڑکنگ بوتگ۔
میراصغررندءَبی این پی ءُنیشنل پارٹی ءِدرنگاں وتی بانزُل بستنت کہ جاہ ءِپناہے شوہازکناں بلئے بُنی واجہ ءَمکن کُت ءُسکین دات کہ تومئےلاڑک ئے ،پہ ما توبازیں نیکیں کتگ ماچرتوفراموش نہ ایں ماپرتوپارٹی یے ءِبندءُبست ءَکنیں مردءَبلوچی پوست مدان مدان ءَلگوشان کت ءُہمااِنت کہ روچ ءِکسانیں شہمے بگندیت چوش شپ چرءَہزیت ۔
میرءِپیپلزپارٹی ءَہواربوئگ ءَرَندآئی ءِرَندگیرءُپارٹی ءِجہدکارپہ وت ءَبیدئے سیاہیں عاقبت ءَدگہ ہچ میم کنگ ءَنہ انت۔
پیپلزپارٹی ءَہواربوتگیں آدگہ ہماانت کہ چہ بازیں پُشتاں ہمے شپ جاہ ءُروچ جاہ ءِروایت ءَزندگ داروک انت کہ اے روایت چہ دُورکئیت ءُبزیں نانے ءِحدابُندکنت ءُکئیت۔بزاں گوسک ءَسستگ مات ئِے متکگ۔
پرے سرکاری میرءُامیرانی کُلاہ ءُپاگ مَٹّینگ ءَبلوچ تکانسُرنہ انت۔بلئے پرے گپ ءَبلوچ الّم لپرزگ ءُزہراَنت کہ سکّیں وہدءِتاڑءُتیلانکاں پہ کجام اِلّت بلوچ داناءُکوّاس پہ زبان ءُپہ گال ءُنبشتگ راہے ءِشون ءَنہ دی انت۔
سری راہے مُلاءُمیاہے وت ءَرابلوچی پوشیت دست ءَدلبندءَجنت ءُحق رسانی ءِجارءَپِرّینیت بلوچ اش ہمبراہ بنت۔بی این پی ماں پارلیمانی سیاست ءَبلوچءِ گُڈسری امیت انت اگاں بی این پی ءِرہشوناں وتی کینگ کوتاہ ءُراستی ءِتہل ءُتُرندی نہ سگّت انت بلوچ ءِزندماں چوش امریکہ ءِریڈانڈیناں ناامیتی ءِارجان بیت۔
وسیلگانی رِدءَاسٹیبلشمنٹ ءِگورءَبرطانیہ ءِداتگیں پلانے موجودانت۔اے پلان بگندئے بینظیرءِحون بہاکنگ ءُپیپلزپارٹی وفاق ءَنادینگ بہ بیت۔یااگاں مسلم لیگ ن ءِنوازشریف ءُمریم صفدرءَاسٹیبلشمنٹ منّارینت ءُگوں چین ءَسوداءُمعائدہ ہلاس کتاں بگندئے زمین ءِکمانداریں امریکہ زرّءُمال بکنت ءُن لیگ دوبرحاکمی ءِتاج سرءَدیگ بہ بیت۔بلئے بلوچستان 2023ءَآنہ بیت کہ 2018ءَبوتگ،اے گپ ءَبی این پی بہ زانت ءُبلوچ ءِداناءُکوّاسیں نبشتہ کارہم بہ زاننت۔بلئے اسٹیبلشمنٹ اے گپ ءَشرزانتکاربوتگ
