ایلون مسک ڈیل سے پیچھے ہٹ گئے، ٹوئٹر نہیں خریدیں گے

ایلون مسک ٹوئٹر خریدنے کے چوالیس ارب ڈالر کے ایک معاہدے سے پیچھے ہٹ گئے ہیں۔ ٹیسلا اور اسپیس ایکس کے بانی مسک نے کہا ہے کہ ڈیل کے تحت ٹوئٹر متعدد معاملات پر اپنے قانونی وعدے پورے نہیں کر سکی، جس میں فیک اور اسپیم اکاؤنٹس کی درست تعداد کی نشاندہی کرنا بھی تھا۔ اپریل میں مسک نے سماجی رابطوں کے اس اہم پلیٹ فارم کو خریدنے کی خاطر ڈیل کو حتمی شکل دی تھی۔ ادھر ٹوئٹر نے کہا ہے کہ اس ڈیل کو ختم کرنے پر مسک کے خلاف کارروائی کی جائے گی۔