مسک نے ٹویٹر کا لوگو تبدیل کر دیا ایلون مسک نے ٹوئٹر کا لوگو تبدیل کردیا ہے، پہلے بلیو ٹک میں تبدیلی کی اور اب لوگو یعنی چڑیا کو مسک نے x سے تبدیل کر دیا۔
اگر آپ ٹوئٹر کے روایتی لوگو (logo) کو پسند کرتے ہیں تو ایک بڑے دھچکے کے لیے تیار ہو جائیں۔ ٹوئٹر کے مالک ایلون مسک نے اعلان کیا ہے کہ سوشل میڈیا پلیٹ فارم میں نیلے پرندے کا معروف لوگو اب ماضی کا قصہ بننے جا رہا ہے۔
یہ اکتوبر 2022 میں ایلون مسک کی ملکیت میں جانے کے بعد ٹوئٹر کی سب سے بڑی تبدیلی ہے۔ اس تبدیلی کے بعد ٹوئٹر ایک خودمختار کمپنی نہیں رہی بلکہ اسے ایک نئی کمپنی ایکس کارپوریشن کا حصہ بنا دیا گیا۔
خیال رہے اپریل 2023ءمیں ٹوئٹر کی نئی چیف ایگزیکٹو لینڈا یاکارینو کی تعیناتی کا اعلان کرتے ہوئے ایلون مسک نے کہا تھا کہ وہ اس پلیٹ فارم کو ایکس میں تبدیل کرنے کے لیے کام کریں گی، جو ایک سپر ایپ ہوگی۔ اکتوبر 2022ءمیں ایک ٹوئٹ میں انہوں نے کہا کہ ٹوئٹر کو خریدنے سے ایکس نامی ایوری تھنگ ایپ کی تشکیل کا عمل تیز ہو جائے گا۔
ایلون مسک کی زندگی میں حرف ایکس بہت اہمیت رکھتا ہے۔ ٹوئٹر کو خریدنے کے بعد ایلون مسک نے اس پلیٹ فارم میں متعدد تبدیلیاں کی ہیں جن میں ٹوئٹر بلیو سروس قابل ذکر ہے۔
انہوں نے ایک ٹوئٹ میں ایکس کی تصویر بھی شیئر کی اور ایک صارف کی جانب سے لوگو کی تبدیلی کا جواب ہاں میں دیتے ہوئے کہا کہ ایسا بہت پہلے ہو جانا چاہیے تھا۔
