اسرائیل اور ترکمانستان کے درمیان سفارتی تعلقات 30 سال قبل ہی شروع ہوگئے تھے
لیکن ترکمانستان کے دارالحکومت اشک آباد صرف ایک عارضی سفارتخانہ تھا۔
دوسری طرف مسلم اکثریتی ملک ترکمانستان کا اسرائیل میں تاحال کوئی سفارتخانہ نہیں ہے۔وزیر خارجہ ایلائی کوہن نے اپنے بیان میں کہاہے کہ میں ایرانی سرحد سے 17 کلومیٹر دور اسرائیلی سفارتخانہ کھولنے آیا ہوں، صدر اور دیگر حکام سے ملاقاتیں بھی کروں گا۔ترکمانستان کے صدر سردار بردیمخامیدوف سے ملاقات کے بعد اسرائیلی وزیر خارجہ نے اپنے دورے کو تاریخی قرار دیا۔
انہوں نے کہا کہ وسط ایشیا کی ‘انرجی سپر پاور’ کے ساتھ تعلقات اسٹریٹجک اہمیت کے حامل ہیں۔انہوں نے کہا کہ ہم تعلقات کو زراعت، پانی، ٹیکنالوجی اور سرحدی دفاع تک وسعت دینا چاہتے ہیں، اس بات میں کوئی شک نہیں کہ دونوں ممالک قریبی تعاون سے فائدہ اٹھا سکتے ہیں۔