بلوچستان میں سیلاب متاثرین کی بحالی شروع نہ ہو سکی، امراض پھیلنے لگے

بلوچستان کے متاثرہ علاقوں میں سیلاب متاثرین کی بحالی شروع نہ ہو سکی۔میڈیا رپورٹ کے مطابق قلعہ سیف اللہ، قلعہ عبداللہ، زیارت، دکی، مسلم باغ، خانوزئی، پشین، توبہ اچکزئی اور توبہ کاکڑی میں سیکڑوں بے گھر خاندان خیموں سے محروم ہیں۔سیلاب متاثرین کے مطابق اب تک سیلاب زدہ علاقوں میں سڑکیں بحال نہیں کی گئی ہیں۔متاثرہ افراد نے شکوہ کرتے ہوئے کہا کہ کھانے کا سامان تو مل رہا ہے لیکن پکانے کے لیے برتن نہیں ہیں۔انہوں نے کہا کہ لوگوں میں بیماریاں بھی پھیلنے لگی ہیں۔