متحدہ ہندوستان ءِآزاتی ءِجہدءَبازیں راج ءُآہانی تخلیق کاراں بہرزُرتگ۔اے زمانگ ءَروس ءِ1917ءِآشوب ءَیک مزنیں اثرے پیداک کتگ ات۔چہ روس ءِسیاسی لیکہ ءَمتحدہ ہندوستان ءِتخلیق کاراں سکین زُرتگ ات۔ چیزے وہدءَپد1936ءَترقی پسندتحریک ءِبُن ہشت ایرکنگ بوت(چدءُپیش لندن ءَدیوانے بوتگ ات کہ اے دیوانءَمُلک راج آنند،سجادظہیر،میکسم گورکی ءُبورس پاسترناک،ای ایم فارسٹر ءَہواراے دگہ نبشتہ کاراں بہرزرتگ ات)۔پنجابی،ہندی،گجراتی،دگہ بازیں زباناں ہوار اردوزبان ءِنبشتہ کاراں سیاسی ءُچاگردی لیکہءِ پُشت گردءَتخلیق کاری بنگیج کت۔اے تحریک ءَاردوزبان ءَراسکیں مزنیں زبانی ءُلبزانکی فائدگے بخشات۔
ترقی پسندتحریک ءِاثرچہ ہندوستان ءَاے دگہ دمگاں تالان بوت انت۔متحدہ ہندوستان بہرءُبانگ کنگ بوت۔ گوں پاکستان ءِمعجزہle ءَاردوءِبازیں سرکردہیں نبشتہ کارے پاکستان ءَاتک۔اردوشاعری ءِسوب ءَسیاسی لیکہ ءَبلوچی زبان بازیں دہکاں پدچرے سیاسی لیکہ ءَاثرمندبوت۔(1940 ءَآزات جمالدینی گوں مستیں توارءَسیاسی لیکہ ءِپُشت گردءَدیم ءَکئیت )اردوغزل ہماتہرانت کہ ترقی پسندتحریک ءِسیاسی لیکہ ءَبلوچی زبانءِتخلیق کاراثرمندکتنت۔ 1950 ءَپدنبشتگیں بلوچی شاعری ءِتخلیق مئے دیم ءَانت۔گل خان نصیر،محمدحسین عنقا،سیدظہورشاہ ہاشمی،کریم دشتی،مرادساحر،اکبربارک زئی(بارک زئی مارکسزم،لینن ازم،یاسوویت یونین ءِسکیں مزنیں منوگرے بیت)،ملک طوقی،عطاشاد،بشیربیدار۔ ۔ ۔ ۔ ۔ ۔ ۔ ۔ ۔ وڑے ناں وڑے ءَہمے ترقی پسندتحریک ءِاثراں سکین داتاں ۔ترقی پسندتحریک ءَگوں اختلاف کنیں حلقہ ارباب ذوق دیم ءَاتک ۔اے جدیدیت ءِبُن ہشت ءِایرکنوک اتنت ءُگوں ترقی پسندتحریک ءَاختلاف کنوک اتنت۔
ترقی پسندتحریک ءُحلقہ ارباب ذوق ءِہواریں اثرعطاشاد،اکبربارک زئیءِشاعری ءَگندگ بوت کننت۔
اے زمانگ ءِ(حاص)شاعری گوں وتی چاگردءَہم رِدءُہمنوان انت۔روبرکتی پاکستان ءِنام ءَسندھ،بلوچستان ءُپنجاپ ءِیک کنگ ءُآدگہ کشوراں بے نام کنگ ءِحلاف ءَجہدکنگ بوت،راجی پجّارءِپہریزگ ءُبحال کنگ ءَشاعری وتی درشان ءَکاربندیت۔داں نیشنل عوامی پارٹی(نیپ) ءَتخلیق کارراج دوستی ءِبیرک داربنت بلئے وہدے نیپ ءِسرکارہلاس کنگ بیت۔پیپلزپارٹی لس مہلوک ءِنعرہ ءَچست کنت بازیں نبشتہ کارے ہمے گوارچ ءَنگندیت ءُسرڈہوربیت۔
