بلوچ اسٹوڈنٹس فرنٹ گریشگ زون ءِ جارکش ءَ راہی کتگیں بیان ءَ گُشتگ گُوَنی گریشگ بوائزہائی اسکول روچ پہ روچ بدحال بوہان انت ۔ انتظامیہ بازرنداں ٹوہینتگ بلئے ہچ پہ ہچ ۔
نودربرانی جیڑہ روچ پہ روچ گیش بوہان انت ۔ بیان ءَ گشگ بوتگ 350 نودربرانی وانگ ءِ واستہ چار کوٹی انت ۔ آدگہ نودربردرچکانی چیرءَ وان انت ۔ ایس ایس ٹی استاد نیست ، اسکول ءِ کلیں استاد ہفت انت کہ اے پہ 350 نودربرانی وانینگ ءَ سک کم انت ۔ ایس ایس ٹی سائنس جرنل ءِ استاد ءِ نبوئگ ءِ سَوَب ءَ نُہمی ءُ دَہمی جماعتءِ نودربر کلاس گپت نہ کن انت ۔ سائنس ءُ کمپیوٹرلیب نیست ۔ گڈسرءَ آہاں چہ انتظامیہ ءَ لوٹ کتگ کہ آ وت اسکول ءَ تَرّءُگَرد بکن انت ۔
Discover more from Balochistan Affairs
Subscribe to get the latest posts to your email.