چِتکان غریب آباد ءَ ڈُنگاں الگار کتگ ءُ رفیق ءِ منیر احمد نامیں مردمے ءِ کمپان ءِ دیما چہ ٹیل ءِ باپاریاں 65 لکھ لُٹ اتگ اش ، چو پیش ءِ وڑ ءَ یک ڈُنگے ہم دزگیر کنگ نہ بوتگ۔
ہمے پیم پرندوشی عیسئی ءَ دو برات چہ لوگ ءَ قانود نافذ کنوکیں ادارہاں دزگیر کتگ ءُ برتگ انت کہ انگت بیگواہ انت ، بیگواہیں ورناہانی کہول ءِ مردماں سہب ءَ پنجگور ءَ سی پیک شاہدگ بند کتگ ءُ ہیچ موٹل ءُ گاڑی گوزگ ءَ نئیشتگ ، چریشی ءَ سدانی حساب ءَ گاڑی ءُ موٹل ہردوئیں نیمگاں میلانک بوتگ انت، دوشی آل پارٹیز پنجگور ءِ چیئرمین میر نذیر احمد ءُ کمک کار چیئرمین اشرف ساگر ءُ سول سوسائٹی پنجگور ءِ گوہرام شریف ءُ تحصیل دار محمد فضل ءَ گوں گاریں براتانی کہول ءَ گپ ءُ تران کتگ ءُ دوشی ساہت 2 ءَ سی پیک شاہدگ بوجگ بوتگ ، یات دارگ بہ بیت کہ پنجگور ءِ ضلعی انتظامیہ ءِ گوں گاریں مردمانی وارثاں قول بوتگ کہ آ 12 ساہتاں رند گاریں دوئیں برات شرافت ءُ ارشاد ءَ لوگ ءَ سر کن انت ۔
پنجگور ءِ ہَندی احوال کارانی رِد ءَ کوہ بن سیدان ءَ بجلی ءِ 6 مزنیں کھمبا کپتگ ءُ چریشی ءَ پنجگور ءَ بجلی ءِ پجارینگ مہتل بوتگ۔وہدے کہ کیسکو ءَ گشتگ بجلی ءِ برجم بوئگ ءَ چندے روچ درکار انت ۔
Discover more from Balochistan Affairs
Subscribe to get the latest posts to your email.