رپورٹ بی بی سی/ رجانک قاسم دشی
چونا ہا مزاحمت ءِ بازیں درشان داب ءُ جتاہیں رنگ انت کہ لگتمالیں یا کہ چیردستیں راج وتی وتی رنگ ءَ گوں دژمنءَ دیم پہ دیم بنت چش کہ گوریلا جنگ سک باز رواج گپتگیں رنگ ءِ کہ کارمرز بیت-
بلے بیا کہ وَتکُشیں اُرش اوں منّتگیں راہبند ءِ کہ دنیا ءِ توک ءَ بازیں تحریک ءُ آرگنائزیشن آں گوں بندوک انت کہ ایشی ءِ توک ءَ زند پہ لیکہ ءِ پشت ءَ پہ زمین ءَ قربان کنگ بیت-
نو بیا سیل کنیں کہ وَتکُشیں اُرشانی پشدر چی انت?
پاکستان ءِ توک ءَ 22 سال ءَ پیش اے رنگیں اُرش ءِ ماں کساس 2000 ءَ پاکستان ءِ “نوایے وقت اخبار” ءِ کارگس کراچی ءَ بیت کہ اے پاکستان ءِ اولی وتکُشیں تراک گُشگ بیت کہ ایشی ءِ کنوک یک زالبول ءِ بیت- اے تراک ءِ تہا نوایے وقت ءِ 3 کارندہ بیران بیت ءُ 6 مردم ٹَپّیگ بیت۔
2010 ءَ باجوڈ ایجنسی ءَ وہد ءِ “ورلڈ فوڈ پروگرام ” ءِ کارندہ ورگ ءُ راشن بہر کنگ ءَ بنت کہ وتکُشیں تراک ءِ بیت ایشی ءِ توک ءَ 43 مردم بیران بیت او سدانی حساب ءَ ٹپّیگ بیت-
بی بی سی ءِ رپورٹ ءِ ردا پاکستان ءِ توک ءَ طالبانی چیردستی ءَ وَتکُشیں تراکانی ٹریننگ کنگ بوتگ۔ اے درگت ءَ جماعت اسلامی ءِ سابقہ امیر قاضی حسین احمد ءِ سرا وتکُش ءِ کنگ بیت کہ آئی ءِ زمّہ واری ءَ تحریک طالبان پاکستان منّیت۔
میاں استمانی رنگ ءَ اگاں سما بکنے گڈاں پدّر بیت کہ وتکُشیں تراک گیشتر گوں مزہبی گلاں بندوک بوتگ انت چش کہ چچنیا ءِ اسلامی شدّت پسند تنظیم روس ءِ ہلاپ ءَ 2000 ءَ وتکُشیں تراک کنت او اے وتکُشیں تراکانی توک ءَ گیشتر زالبول بہر زور انت چیا کہ گیشتر زالبولانی لوگ واجہ, برات, کماش یا مات روس ءِ آرمی ءِ دست ءَ کُشگ بنت ایشان ءَ ‘بلیک ویڈوز`” ہم گُشگ بوتگ چیا کہ اے وہد ءَ گیشتریں زالبول وتی کہولانی بیرگیری ءَ وتکُشیں تراکانی بہر بوتگ انت۔
بلے زانتکارانی گُشگ انت کہ وتکُشیں اُرش ءِ ایوکیں مول ءُ مراد کدی اوں بیرگیری نبوتگ ایشی ءِ توک ءَ چاگردی بازیں دگہ فیکٹرز ہوار بوتگ انت- آہانی گشگ انت کہ القاعدہ, تامل ٹائیگر, دولتِ اسلامیہ او بوکو حرام ءِ توک ءَ زانتکاریں ءُ سرپدیں تعلیم یافتہ ایں زالبول ہوار بوتگ اَنت او وتکُشیں تراک کُرتگ ءِ ۔۔۔ایشانی توک ءَ گیشتر زالبول گوں لیکہ ے ءَ بندوک بوتگ انت ادا اے گپ رد بوتگ چیا کہ اے زالبولانی توک ءَ کسّے ءِ او کہول ءِ مردماں نُکس نرستگ بلے انگت پہ وتکُشیں تراک ءَ ساڑی بوتگ انت-
انسداددہشت گردی ءِ زانتکار ءُ کواّس ڈاکتر خرم اقبال وتی کتاب “میکنگ آف ہیومن بومز” ءِ توک ءَ نبشتہ کنت کہ وتکُشیں تراکانی توک ءَ زالبول اے واست ءَ کارمرز کنگ بنت کہ زالبول اے ٹارگٹ ءَ چہ نزیک تِرا گِپت کنت او گیش ءَ چہ گیش نزیک بوت کنت او سوبین بوہگ ءِ گیشتر چانسز بنت-
پاکستان وڈیں مُلکاں کہ زالبول گیشتر بُرقع ءُ گرانیں گُدانی توک ءَ انت او بازیں سیکورٹی چیک پوائنٹس آں زالبولانی چیکنگ اوں نہ بیت اے رنگیں ملکانی توک ءَ زالبولانی ٹارگٹ گیشتر سوبین بنت- ڈاکتر خرم اقبال گُشیت کہ زالبولانی وَتکُشیں اُرش ناں ایوک ءَ سوبمند بنت بلکیں انٹرنیشنل میڈیا ءِ اوں اوّلی تاک ءَ جاہ کن انت-
دومی جاہ ءَ اے وڈ نبشتہ کنت کہ لگتمالیں راجے ءِ زالبول وہد ءِ وَتکُشیں اُرش کن انت بوت کہ آ اے پدّر کنگ لوٹ انت کہ ظلم ءُ زور انچو گیش بوتگ کہ زالبولاں او ماراتگ کہ مارا ایوک ءَ لوگ بانک بووّگی نہ انت بلکیں جہد کنگی انت او دگنیا ءَ وتی سرا بوتگیں ظلم پیشدارگی انت-
بُرز ءِ نبشتہ ءَ چہ اے پدّر بہ بیت کہ بلوچ نیکہ پہ مزہبی لیکہاں وَتکُشیں اُرش کنت او نیکہ پہ جنّت ءِ بخشاتگیں داداں بلے پہ وتی زمین ءَ- پرچہ کہ پہ بلوچ ءَ زمین ءَ گیشتر ہچ چیز ءَ بستار دیگ نہ بوتگ-