وائس فار بلوچ مسنگ پرسنز ءُ بلوچ یکجہتی کمیٹی کراچی ءَ ہوریں پریس کانفرنسے ءَ گُشتگ کہ بلوچستان ءَ گارءُ گمسار کنگ ءِ واقعہ گیش بوہان انت ۔ گوریشی ءَ ہم گرنچیں بیگواہ کنگ ءِ کار لیاری ءَ گیش بوتگ ۔ چہ کراچی ءَ بازیں ورناہیں بچک بیگواہ کنگ بوتگ انت ۔ گیشترگاریں لیاری ئیگ انت ۔ ہمےزوتاں وحید کہ کالج ءِ نودربرے چہ لوگ ءَ شپ ءِ سئے ءَ رینجرز ءُ ناشناسیں مردماں برتگ ۔ سنگولین ءِ کماش ءُ فٹ بال کوچ عبدالرشید آوار جنگ بوتگ اے ہما مردم انت پہ دو وقت ءِ نان ءِ شوہاز ءَ درپہ در اَنت ۔ چرے گمساریاں پیش سلطان بلوچ۔ لالہ ارشد۔ محبت۔ شعیب بلوچ ہوار انت ۔ ابید چریشاں سعید عمر کہ چہ روس ءَ وتی ونگ ئے سرجم کتگ ءُ اتکگ دزگیرءُ بیگواہ کنگ بوتگ۔ پریس کانفرنس ءَ گاریں مردماناں عدالتاں آرگ ءِ لوٹ کتگ
Latest on YouTube