خالق ارمان
پہ دْروگ ساہ روتءُکئیت
پہ دروگ زندگاں
پہ دروگ چمّ آگہاں
پہ دروگ کَندگاناں ارس مالِتہ
پہ دروگ شئر نالِتہ
پہ دروگ واب کپتگاں
پہ دروگ جان کَشّ اِتہ
پہ دروگ راستی ءِ گَموں نہ سگّ اِتہ
پہ دروگ گْریتہ ، کَند اِتہ
مئے روچءُشپ پہ دروگ گْوستگنت
گوں رِپک ءُ ہِیلّہ ءُ ہُنر
پہ ریپ زندماں گُزر
ما راستی ءَ بِچیلّے دروگ پِر کتہ
ءُ ۔۔۔ نِشتہ گپ جَتہ
او وش ھبر۔۔۔ او بے ھبر
پدا بیا دروگ درچِنیں
آ کوہنیں دروگ پیر بیتگاں
یا مُرتگاں
یا رنگءُ دروشم اِش لگُشتگاں
تہ پیریں دروگے لٹّءَ جِک دیاں بکنت ءُ بئیت
چینچو دیر بیت
پمشکہ بیا ، ترا گُش آں
کہ دروگ درچِنیں
ءُ نوک نوکیں وشیں دروگ ۔۔۔۔۔۔
کہ زندگی پہ دروگ جَلّتہ
ءُ ۔۔۔ مَرگ چونیں راستی یے
ہُدا بہ زانت ۔۔۔۔۔۔۔۔
تنیگہ سر نہ اِنت
Discover more from Balochistan Affairs
Subscribe to get the latest posts to your email.