1 : افغانستان ءِ مستریں رسانک جاہ ءِ گِروہ ءَ گشتگ کہ طالبان حاکماں کُلیں احوال وانوکیں جنین آدماں ٹی وی ءَ احوال وانگ ءِ وہد ءَ سِتر کنگ ءِ حکم داتگ ۔
طلوع نیوز ءَ یک ٹُوِیٹے گُشتگ کہ اے حکم فضیلت ءِ وزارت ءَ روان داتگ ۔ ءُ گشگ بوتگ کہ اے حکم الّم انت دگہ گپ ءُ گال ءِ گنجائش نیست ۔
2 :
سری لنکاءَ پٹول ہلاس بوت ۔ جمعہ ءِ روچ ءَ کلیں اسکول بند کنگ بوت انت ۔ دَہکّاں پد اے واری اتکگ ۔ واری ءِ سَوَب ءَ ملک ءَ سیاسی بیواری یے ءَ سرکشّ اتگ ۔ چہ ملک ءَ ڈن آؤکیں چیزانی بہازورگ ءَ ملک ءِ مردم ہفتگاں پہ ہوکین گِرگ ءَ دراجیں کتاراں اوشت انت ۔
3 : امریکہ ءِ کارمستر جوبائیڈن ایشیاءِ وتی بنداتی تَرءُگَردءَ زرباری کوریاءَ پد یک شمبے ءِ روچ ءَ جاپان ءَ سربوتگ ۔ جوبائیڈن ءِ تَرّءُگَرد ءِ مُولّ ءُ مرادگوں وتی ہم گَنگلاں دوستی ءِ گیش محکم کنگ انت ۔ جوبائیڈن مروچی دوشمبے ءِ روچ ءَ جاپان ءِ مزن وزیرءَ گوں گِندءُنند کنت ۔ چریشی ءَ پد کُواڈ ءِ مَراگَش ءَ بہر زوریت ۔ کُواڈ ءَ انڈیا۔ آسٹریلیا۔ جاپان ءُ امریکہ ہوار انت ۔
4 : یوکرین ءِ کارمستر ولادیمیرزیلنیسکی ءَ گشتگ کہ فروری ءِ ماہ ءَ گوں روس ءَ بندات بوتگیں فوجی دزمانجنی ءَ پد جنگ ایوک ءَ سفارتی جہدکاری ءَ ہلاس بوت کنت ۔
5 : پاکستان ءِ وزیرخارجہ بلاول بھٹو ءَ یک شمبے ءِ روچ ءَ گوں چین ءِ وزیرخارجہ وانگ ژی ءَ گندءُنند کتگ ۔ چہ اے گِندءُنند پیش دوئیں ملکانی ڈَلاں گِندءُنند ءُ مزاکرات کتگ ۔ ہوریں پریس کانفرنس کنگ بوتگ ۔ بلاول بھٹو زرداری ءَ گشتگ پاکستان گوں چین ءَ وتی حکمت داریں سیادی ءَ سک ارزشت دنت ۔ چینانی سرءَ اُرُش کنوکاں عدالت ءَ اوشتارینیں ۔
Discover more from Balochistan Affairs
Subscribe to get the latest posts to your email.