بلوچستان ءَیک رَندے پداکوہنیں داسپانے ءِنوکیں بنداتے کنگ بوتگ۔
پاکستان ءِفوج ءِپیسریگیں سروک جنرل قمرجاویدباجوہ ءَجارجتگ ات کہ فوج داں 2021ءَسیاست ءَدزمانجنی ءَبوتگ بلئے چراروچ ءَرَندفوج ءَچہ سیاست ءَوتی دست کَشّیتگ۔پرے جارءِبادشاہی ءَبازیں کم سوادیں عاقلاں وتی بگل گوات داتاں۔بازیں سادگ دلیں بلوچاں گُشت کہ نوں “ادارہ”ءَہوش کتگ۔بلئے داناہیں بلوچاں بازیں قرناں پیش گُشتگ کہ “اُشترءَگَزّءَبینَگے چَرتگ”۔پیسریگیں میرءِسالارءِدلءِواہ بگندئے راست بہ بیت بلئے پہ سندھ ءُبلوچستان ناں بلکیں پہ خیبرءُپنجاپ ۔
البت بلوچستان ءَساہ کَندن ءَرستگیں راج دوستی ءِساہ ءَراءَنِگّ گُٹ کنگ ءَءُبلوچستان ءِبلوچیں دروشم ءَتاوان بارکنگ ءَمُلاءُسردراہیں لبرلیں پیپلزپارٹی پودگ ءُپَزّورکنگ بوئگ ءَانت ۔بلئے وسیلگانی گشگ انت کہ اے ملٹری اسٹیبلشمنٹ ءِپلان انت تنیگہ مزنیں مہترءَوتی پلان ظاہرنہ کتگ۔اگاں بلوچستان نیشنل پارٹی ءَدانائی ءِربیت برجاہ داشت ءُبلوچستان ءَراستیں راج دوستی ءِساہ کندن ءَرسینتگ ساہ شائستگ کت ءُتوان دات،بلوچ ورناہ گون وت زُرت انت ءُبلوچ یکجاہ کت انت بگندئے بلوچ دمگ 70داں 80درسدگوں بلوچستان نیشنل پارٹی ءَگون بہ کپنت۔اگاں چوش بوت پارلیمانی راج دوستی نوکیں راہاں رہادگ بیت ءُپاکستان ءِتَنک گشادیں دستورءَبلوچ وتی ساہ ،زبان ءُزمین ءِرکھینگ ءَتوجیلے بہ سازانت۔
بلئے فوج ءِماں سیاست ءَدزمانجنی برجاہ مانیت۔
سندھیاں گوں مہاجراں ہم پتٗرکننت ءُوتی دِہ ءُزورءَہم پشت گیجنت۔بلئے وت ءَرانوان کننت ءُدنیاءَہمے پیش دارانت کہ ماچرے سیاست ءَوت ءَ رادورداشتگ۔اے رپورٹ ءِدیمتری بہرباندات شنگ کنگ بیت۔
Discover more from Balochistan Affairs
Subscribe to get the latest posts to your email.