پنجگور ءَ قانود نافذ کنوکیں ادارہ ءَ شاہ کہن ءَ لوگے ءَ چھاپہ جتگ 2 برات آوار جتگ

حالانی رِد ءَ 11 جون ءَ شپ ءِ یک ءَ قانودنافذ کنوکیں ادارہ ءَ شاہوکہن پنجگور ءَ محمد عِوض ءِ بچ ارشاد ءُ شرافت دزگیر کتگ ءُ بیگواہ کتگ انت ۔ کہول ءِ مردماں پنجگور ءَ سی پیک شاہ دگ بند کتگ ، کہول ءِ مردمانی گشگ انت کہ ادارہ ءَ گشتگ کہ آدوئیں براتاں ساہتے ءَ پد لوگ ءَ سرکنت ، بلئے 2 روچ گوستگ آ انگت لوگ سر نہ انت ، پنجگور ءِ ڈپٹی کمشنر عبدالرزاق ساسولی ءَ زہرشانی کنوکاں گِند ءُ نند کتگ ءُ سدّکی داتگ کہ بیگواہیں دوئیں برات یلہ دیگ بنت ۔ اے وہد ءَ سول سوسائٹی پنجگور ءُ آل پارٹٰیز ءِ رہشون موجود بوتگ انت ۔
زانگ بہ بیت کہ شرافت علی گوادر کوسٹل ہائیوے ءَ کانسٹیبل ءِ ہیل کاری گرگ ءَ انت ۔ءُ یک روچے پیش چھٹیاں لوگ ءَ اتکگ ۔ ءُ ارشاد درزی یے ۔