سمی دم درینگانے -ہفتمی بھر

زبیر بلوچ

کربانی رائیگان بنت اگاں اے  کربانیاں سمتے دئیگ مہ بیت۔ اے سمت ءَ چے مطلب کہ کربانی ءِ طبقاتی مکسد ءُ مول مراد واضح بہ بیت کہ کجام طبقہ جنگ کنگ ءَ اِنت ءُ اے جنگ کنوکیں طبقہ کجام طبقہ ءِ  طبقاتی ءُ قومی حق ءِ دفاع ءُ پلہ مرزی ءَ کنگ ءَ اِنت۔ بلوچ بلاھیں راجے ایشی ءِ تہءَ ھر طبقہ ھوار انت۔ اِدا منی مطلب اِش انت کہ بلوچ راج ءِ تہءَ طبقہ ءِ وجود ءِ انکار کنگ نہ بیت۔ قومی جدوجہد ءَ طبقاتی مفاداتانی بنیادءَ کنگ بہ بیت۔

اگں ما وتی قومی جدوجہد ءَ گوں طبقاتی مفاداتاں ھمگرنچ   مہ کناں گڑا اے پجارگ نہ بیت کہ کجام طبقہ استحصالی طبقہ انت کجام استحصال کندہ انت ءُ کجام استحصال زدہ انت ۔ ایشی ءِ واستا طبقاتی ھد و سِیم گیشینگ ءُ زانگ بہ بنت۔

ما ھمے سرپد باں کہ بلوچ ءِ استحصال ءَ ایوک ءَ سرکار کنگ ءَ نہ انت۔ مئے دژمن تھنا سرکار نہ انت بلکیں بلوچ ءِ چاگرد چہ استحصال کنوکاں پُر انت بلئے   باقی استحصالی طبقہ   استحصال کندہ بلوچ ءِ جنزہ نہ گشینتگ انت۔ پرچا کہ بلوچ جدوجہد ءِ گیشتر منوک بلوچ ءِ جنز ءِ تہءَ طبقاتی سوال ءِ گیش  ءُ گیوار کنگ ءَ ناکام انت۔

استحصالی قوتانی پجار ءَ کئے کنت ءُ چوں گیشینگ بنت ؟

ایشی ءِ واستا لازمی انت کہ بلوچ قومی تحریک ءِ ڈائینامکس گیشینگ بہ بنت ۔

جُھد ءِ ڈائینامکس کجام اَنت؟

انقلابی جدوجھدے ؟

سامراجی ءُ نوآبادیت مخالف جدوجھدے؟

سلاھ بندیں جدوجھدے یا جدوجھدے دُرائیں سورس آں استعمال کنگ ئے منوگریں جنزے؟

اگں انقلابی جدوجھدے گڑا آئی ءِ نقطہ نظر چی انت ؟

 آ کجام طبقہ ءَ ایمپاور کنت ءُ انقلاب کاریت ؟

قومی بورژوا کجام کاتہ ءَ شمار انت؟

ایگری گئیرین سوال لیبر ءُ پیزنٹ ءِ سوال ؟؟

 لس مھلوک ءُ لگتمالیں طبقہ ءِ سوال ؟؟

پدا اِشاں چے ابید تئی سیاست ءِ منزل ؟

تئی انقلاب ءِ ماڈل ؟

ویسٹرن ڈیموکریسی؟ سکینڈے نیوین۔ ویلفئیر اسٹیٹ ۔ مکس اکنامی۔ سوشل ڈیموکریسی؟

کجام ماڈل بلوچ ءِ جنز ءِ واستا شرتر بوت کنت ءُ  کجام  طرز ءِ سیاست و معشیت قومی ءُ طبقاتی نپ ءُ سیتاں رکین کُت کنت۔ معشیت اے واستا کہ معشیت بقول ءِ لینن ئیگ ءَ سیاست ءِ اکس انت ۔ مارا وتی سیاست ءِ تہءَ معشیت ھچ جاگھ ءَ گندگ ءَ  نئیت۔

اے تھیوریاں یک قومی پارٹی یے  گوں ٹھوس ءُ کنکریٹیں تجزیہ ءُ لائحہ عمل ءَ گیشینیت ءُ یک ماس لائینے دنت۔ ماس لائن تنیگہ بلوچ جنز ءِ تہءَ گندگ نہ بیت۔ بیدئے ماس لائن ءَ چون تحریک گوں عوام ءَ جوڑینگ بیت؟

قومی پارٹی انقلاب ءُ آجوئی ءِ جُنزانی  Harmonia  بِہ زان

the Goddses of harmony”

انت.

۔۔۔روان انت۔۔۔۔

دلگوش: اے نبشتانک ءِ تہا درائیں حیال ءْ مارشت نبشتہ کار ءِ جند ئیگ انت۔

بلوچستان افیئرزءِ ادارہ ءِ ایشاں گوں تپاک بوھگ المی نہ انت۔