1 : چارشمبئے ءِ روچ ءَ ماں پاکستان ءَ گوں روچ ءِ بندات بوئگ ءَ ڈالر ءَ پیش کنزگ برجاہ داشتگ ۔انٹربینک ءَ ڈالرءِ نہاد 84 پیسہ گیش بوتگ ، ءُ ڈالر ءِ نہاد 206 کلدار ءَ سر بوتگ ، پچیں نہادیگ ءَ ڈالر ءِ نہاد 207ن کلدار ءَ سر بوتگ۔
2 : امریکہ ءِ صدر ءِ ماڑی وائٹ ہائوس ءَ امریکہءِ کارمستر جوبائیڈن ءِ میان رودراتک ءِ تَرّ ءُ گرد ءِ احوال منّ اتگ ۔ اے تَرّ ءُ گرد ءَ بائیڈن اسرائیل ءَ پد سعودی عرب ءَ رؤت ۔ سعودی عرب ءَ بائیڈن گوں ولی عہد محمد بن سلمان ءَ دوچار کپیت ، اے تَرّ ءُ گرد 13 ءُ 16 جولائی ءِ میان ءِ روچاں کنگ بیت ، پیسر ءَ جوبائیڈن اسرائیل ءَ سر بیت ءُ پدا زورگپتیں روبرکتی لمب ءَ فلسطینی دمگانی تَرّ ءُ گرد ءَ کنت ، ءُ پدا سعودی عرب ءَ رؤت ، گشگ بوتگ کہ رملّہ ءَ بائیڈن گوں فلسطین ءِ کارمستر محمود عباس ءَ ہم گند ءُ نند کنت ، کارمستر بائیڈن اسرائیل ءُ فلسطین ءَ را 2 استان کنگ ءِ صَلاح ءِ منوک انت ، ءُ آئی ءِ انتظامیہ گوں فلسطینیاں وتی رؤآ ءَ دوبر برجم کنگ لوٹیت ۔
3 : اقوام متحدہ ءَ 47 ملکاں ماں چین ءَ ایغور نسل ءِ مردمانی انسانی حقانی لگت مالی ءَ بیچاڑی درشان کتگ ، اے ملکاں ہواریں بیان ءَ گشتگ چہ 10لکھ ءَ گیش ایغور ءُ مسلمانیں اقلیتاں ماں سنکیانگ ءَ جوڑ کتگیں کیمپاں زور بندیگ کنگ بوتگ ۔ بیجنگ ءِ حکومت ءَ اے کیمپانی ہست بوہگ منّ اتگ ، بلئے چین ءِ گشگ انت کہ اے ، کار ہیل دیوکیں بُنجاہ انت ، ءُ گوں انتہاپسندی ءِ ہلاس کنگ ءَ ہژدری انت ، بیجنگ ءَ 47 ملکانی اے بیان سک بد بُرتگ ءُ ایش نہ منّ اتگ ۔
