چاگردءِتب ءُواہشت ءِچارگ ءُشناس کنگ ءَچاگردی علمانی داناءُسائنس زانت نندنت ءُفگرکننت ءُوتی زانشت ءِرِدءَچاگردءَزندگیں مردمانی زندءِآسراتی ءُوسیلگانی بہرمندبوہگ ءِبستارءَٹَکّ ءُتَبَک گیشین انت ءُنوں یک آسرے دیم ءَکاراَنت۔بلئے بلوچ ءِچاگردچاگردی علمانی رِدءَیک شل ءُہمزیل نہ انت ۔بازیں دمگاں بلوچ وڑوڑیں دروشم ءَزندکنگ ءَانت،جاہے زندگوازینگ ءِکمیں آسراتی ہست ءُجاہے ہچ ہم نگواہیت۔
ہمے بستاروانگ ءُزانگ ءِآسراتی ئیگ انت،بلوچ دمگاں سرکاری وانگ جاہ حداءِءُسرکارءِداشتگیں استادءِاوست ءَوتی روچاں تیلانک دیان اِنت۔اگاں استادءِدل پہ وتی لگتمالیں مہلوک ءَدردکنت آچُکّاں وانینیت اگاں اخلاقیات ءِدام ءِچمّگ پراہ انت آاے ڈُبّہ ءَسرگوزیت ءُپہ پگارگرگ ءَروچ حساب کنت۔
پارلیمانی سیاست ءِواگ تنیگہ بلوچ ءِدست ءَنہ کپتگ انت(بگندئے تیوگیں پاکستان ءِپارلیمانی سیاست دان پرے واگانی سمارءَزَرنت)۔بلوچ ءِسیاست اتکگ ءُکونسلری ءِنہادءَاوشتاتگ ،دِہ ءُگِرءِبیپارءَابیدناامیتیانی تہاری ءَوت ءَراشربتانہ کتگ ءُوشیں روچانی شُبینے ہم گُواہ نہ کنت۔
بنگپ پہ لبزانک ءَبئیت ،گُڑاچم دیم ءَرفتگیں راجاں سک بنت کہ چہ مابازیں قرن دیمرواَنت۔بلوچاں قرنے نزیک کتگ گوں لبزانک ءِسساکاری ءُزبان ءِزندگ کنگ ءِنعرہ ءَ،بلئے چاگردءَوت ءَراچہ وتی لبزانک ءَبے سمائی ءِشَرٹَٹاتگیں پَلّے نوان کتگ ءُحون ریچان ءُجون پتارکنان انت۔ورناہ ءُنیم عمبریں مردمانی گونڈیں کساسے لبزانک ءُآئی ءِتخلیقاں دلگوش انت بلئے آکساس ءَکہ تخلیق کارواہگ دارانت آرُمب نایاب انت۔اے جُست چاگردی علمانی داناہاں ہم لپرزگ کنت کہ اشی ءِبُنی ءُدلگوش کرزیں سَوَب چی اَنت کہ آہانی زانگ ءُدرگیجگ ءَپدیک راستیں راہے گچین کنگ ءُاثرمندکنیں گُشادے پیداک کنگ بہ بیت۔داں کہ چاگردءُلبزانک ءِتخلیق کارپہ یکے دومی ءَدرآمدءُبے سمامہ بنت۔دوئیں یکیں نف ءُنُقص ءِمارشت ءِماروک بہ بنت
