بی ایس او کی جانب سے نوشکی میں منشیات فروشی اور لینڈ مافیا کے خلاف احتجاجی ریلی نکال کر مظاہرہ کیاگیا، ریلی کے دروان طلبا نے نعرہ بازی کی ،احتجاجی مظاہرے سے بی این پی کے مرکزی پروفیشنل سیکرٹری نذیر بلوچ ، بی ایس او نوشکی کے صدر آغا عاطف شاہ ودیگر نے خطاب کرتے ہوئے کہاکہ نوشکی میں منشیات ، چوری ڈکیتی اور لینڈ مافیا کا خاتمہ کیا جائے ،مرحوم سمیع بلوچ جنہوں نے اپنے زندگی میں منشیات کے خلاف جو مشن اٹھایا تھا نوجوانوں اور طلبا کو انکے مشن کو پایہ تکمیل تک پہنچانا ہوگا، انہوں نے کہاکہ منشیات کی وجہ سے ہماری نوجوان نسل تباہ ہورہی ہے ، جبکہ لینڈ مافیا قبائل کی زمینوں پر قبضہ کررہے ہیں ، انتظامیہ اور پولیس منشیات فروشوں اور لینڈ مافیا کے خلاف کاروائی کریں ۔ انہوں نے کہاکہ مرحوم سمیع بلوچ منشیات کے خلاف آواز بلند کرنے پرقتل کئے گئے، نوشکی سے منشیات کی لعنت کو جڑھ سے ختم کردیں گے۔
Discover more from Balochistan Affairs
Subscribe to get the latest posts to your email.