افغان حکومت نے افغانستان میں وائس آف امریکا اور دیگر چینلز پر پابندی عائد کر دی۔
امریکی میڈیا کا دعویٰ ہے کہ افغان حکومت کی جانب سے وی او اے، ریڈیو لبرٹی اور ریڈیو فری یورپ کی ریڈیو نشریات پر پابندی لگا دی ہے۔
امریکی میڈیا کے مطابق افغان حکومت نے پروگراموں کے مواد کے بارے میں موصول ہونے والی شکایات پر چینلز پر پابندی لگائی۔
امریکی میڈیا کا کہنا ہے کہ افغان حکومت کے ترجمان نے ان مبینہ شکایات کے بارے میں مزید تفصیلات فراہم نہیں کیں۔
افغان حکومت کی اطلاعات و ثقافت کی وزارت کے مطابق چینلز پر پابندی آج سے نافذ العمل ہے۔