بلوچستان نیشنل پارٹی کیچ ءِدیوان بی این پی کیچ ءِکارمسترمیجرجمیل احمددشتی ءِسروکی ءَگَل ءِکارگس ءَبرجاہ بوتگ۔
دیوان ءِحاصیں مہمان بُنجاہی کمک کارگشاد میرباہڑجمیل دشتی بوتگ۔
دیوان ءَ پاکستانءُ بلوچستان ءِجاورحالانی سرءَگپ ءُ تران کنگ بوتگ۔
گَل ءِچست ءُایرانی باروءَ تران کنگ بوتگءُبازیں فیصلہے کنگ بوتگ۔دیوان ءَدمگ ءِایمنی ءِ نگیگیں جاوراناں حاکُمانی بے سوبیں کارپد لیکگ بوتگ۔
گَل ءِکُلوہ ءَپہ لوگ لوگ ءَسرکنگ ءَمیڈیا کمیٹی یے جوڑکنگ بوتگ۔ چاگردی رسانک جاہ ءِارزشت ءِباروءَبازیں ترانے کنگ بوتگ۔اشاں ابید باڈرءِباروءَ تران کنگ ءُ گشگ بوتگ کہ اے رِدءَبی این پی ءِلیکہ تچک انت،باڈرءِسرءَبیپارکنگ اِداہزاراں سال جاہمنندیں مردمانی بُنی حق انت۔
ایف سی ءُ ڈپٹی کمشنرءَ باڈروتی چانچ ءَزُرتگ ءُلس مردماں بیپارءَنئیلگ ءَانت اے مردمانی لاپ ءِلگت جَنَگ ءُماش ءِپَچ گرگ انت۔
بی این پی زوت اے باروءَگامگیج زوریت ءُوتی مہلوک ءَآئی ءِبُنی حق ءِدیائینگ ءَرہبنداَڈدنت